മണ്ഡലം നിറഞ്ഞ‌് ആരിഫ‌്
Wednesday Apr 17, 2019
ആലപ്പുഴ
പ്രചാരണത്തിലെ മുന്നേറ്റം നൽകിയ ആത്മവിശ്വാസവുമായി മണ്ഡലം നിറഞ്ഞ‌് എൽഡിഎഫ‌് സ്ഥാനാർഥി എ എം ആരിഫ‌്. ചൊവ്വാഴ‌്ച കെഎസ‌്ഡിപി, ഹോംകോ ഉൾപ്പെടെയുള്ള സ്ഥാനപങ്ങളിലും വിവിധ ഭാഗങ്ങളിലെ പീലിങ‌് ഷെഡ്ഡുകൾ ഉൾപ്പെടെയുള്ള തൊഴിൽകേന്ദ്രങ്ങളിലും വോട്ടഭ്യർഥിച്ച‌് ആരിഫെത്തി. തൊഴിലാളികളും ജീവനക്കാരും ആരിഫിന‌് ഹ‌ൃദ്യമായ സ്വീകരണമാണ‌് ഒരുക്കിയത‌്. വണ്ടാനത്ത‌് വോട്ടു തേടിയെത്തിയ ആരിഫിനെ നൂറുകണക്കിനാളുകൾ ചേർന്ന‌് വരവേറ്റു.
വിഷുദിനത്തിലും വിശ്രമമില്ലാത്ത പരിപാടികളാണ‌് ആരിഫിനുണ്ടായിരുന്നത‌്. ഏവൂർ ക്ഷേത്രത്തിലെത്തിയ ആരിഫ‌് ദർശനത്തിനെത്തിയ വിശ്വാസികളെയും നാട്ടുകാരെയും നേരിൽക്കണ്ട‌് ആശംസകൾ കൈമാറി വോട്ടഭ്യർഥിച്ചു. മണ്ഡലത്തിന്റെ വിവിധ ഭാഗങ്ങളിൽ നടന്ന വിവാഹച്ചടങ്ങുകളിൽ ആശംസകളുമായി ആരിഫ‌് പങ്കെടുത്തു. വിഷു ആഘോഷച്ചടങ്ങുകളിലും പങ്കെടുത്തു