ഇടതുചേർന്നെന്നും വടകര
Monday Feb 22, 2021
സ്വന്തം ലേഖകന്‍
കോഴിക്കോട്‌> അങ്കത്തട്ടിലെ ചേകവന്മാരും ജയിലറയിൽ ചുടുചോരകൊണ്ട്‌ അരിവാൾ ചുറ്റിക വരച്ച മണ്ടോടി കണ്ണനും ഇതിഹാസം തീർത്ത കടത്തനാടിന്റെ മണ്ണിൽ വീണ്ടും തെരഞ്ഞെടുപ്പു പോര്‌. ജനാധിപത്യ മഹോത്സവത്തിൽ എന്നും ഇടതുപക്ഷത്തെയാണ്‌ വടകരക്കാർ നെഞ്ചേറ്റിയിട്ടുള്ളത്‌.
കമ്യൂണിസത്തിന്റെയും സോഷ്യലിസത്തിന്റെയും ചുമലിലേറിയാണ്‌ കടത്തനാടിന്റെ വളർച്ച. മാനവ സ്‌നേഹത്തിന്റെ കൊടിക്കൂറ എക്കാലവും ഉയർത്തിപ്പിടിച്ച വടകരക്കാർക്ക്‌ ഇടതുചേർന്ന്‌ നടക്കാനാണിഷ്‌ടം.
1957ൽ കമ്യൂണിസ്‌റ്റ്‌ പാർടി നേതാവായിരുന്ന എം കെ കേളുഏട്ടനാണ്‌ വടകരയെ ആദ്യമായി നിയമസഭയിൽ പ്രതിനിധീകരിച്ചത്‌. 1960, 67, 70 വർഷങ്ങളിൽ
ഇടതുപക്ഷ പ്രസ്ഥാനങ്ങൾക്ക്‌ വേരോട്ടമുള്ള കടത്തനാടിന്റെ തെരഞ്ഞെടുപ്പ്‌ അങ്കക്കളരിയിൽ ഏറെക്കാലമായി പോരിനിറങ്ങുന്നത്‌ സോഷ്യലിസ്‌റ്റ്‌ പാർടി നേതാക്കളാണ്‌. 2016ൽ യുഡിഎഫ്‌ പക്ഷത്തായിരുന്ന ജെഡിയുവും ഇടതുപക്ഷത്തിനു വേണ്ടി ജെഡിഎസുമാണ്‌ ഏറ്റുമുട്ടിയത്‌. ജെഡിഎസിന്റെ മുതിർന്ന നേതാവ്‌ സി കെ നാണു ജെഡിയുവിന്റെ മനയത്ത്‌ ചന്ദ്രനെ 9511 വോട്ടിനാണ്‌ തോൽപ്പിച്ചത്‌. നാണുവിന്‌ 49,211 വോട്ടും ചന്ദ്രന്‌ 39,700 വോട്ടും കിട്ടി. ബിജെപി സ്ഥാനാർഥിയായിരുന്ന എം രാജേഷിന്‌ 13,937 വോട്ടേ കിട്ടിയുള്ളൂ.
വടകരയുടെ എംഎൽഎമാർ
1957 എം കെ കേളുഏട്ടൻ
1960, 67, 70 എം കൃഷ്‌ണൻ
1977, 80, 82, 87, 91 കെ ചന്ദ്രശേഖരൻ
1996, 01 സി കെ നാണു
2006 അഡ്വ. എം കെ പ്രേംനാഥ്‌
2011, 16 സി കെ നാണു
2016 നിയമസഭാ തെരഞ്ഞെടുപ്പ്‌
സി കെ നാണു(ജെഡിഎസ്‌) –- 49,211
മനയത്ത്‌ ചന്ദ്രൻ(എസ്‌ജെഡി) –- 39,700
രാജേഷ്‌കുമാർ (ബിജെപി) –- 13,937
ഭൂരിപക്ഷം –- 9511
2021 പഞ്ചായത്ത്‌ തെരഞ്ഞെടുപ്പ്‌
വടകര നഗരസഭ –- എൽഡിഎഫ്‌
അഴിയൂർ –- യുഡിഎഫ്‌
ഏറാമല –- യുഡിഎഫ്‌ –- ആർഎംപി സഖ്യം
ഒഞ്ചിയം –- യുഡിഎഫ്‌ –- ആർഎംപി സഖ്യം
ചോറോട് –- എൽഡിഎഫ്‌
വടകര ബ്ലോക്ക്‌ പഞ്ചായത്ത്‌ –- എൽഡിഎഫ്‌
ചോറോട് ജില്ലാ പഞ്ചായത്ത്‌ ഡിവിഷൻ –- എൽഡിഎഫ്‌
അഴിയൂർ ജില്ലാ പഞ്ചായത്ത്‌ ഡിവിഷൻ –- എൽഡിഎഫ്‌
വോട്ട്‌ നില
ആകെ വോട്ടർമാർ: 1,61,641
സ്‌ത്രീകൾ: 84,694
പുരുഷന്മാർ: 76,946
ട്രാൻസ്‌ജെൻഡർ: 1