ജനകീയ കരുത്തിൽ വീണ്ടെുത്ത വടക്കാഞ്ചേരി
Monday Feb 22, 2021
സ്വന്തം ലേഖകന്‍
വടക്കാഞ്ചേരി> ഒരേ സമയം നിയമസഭയിലേക്ക്‌ രണ്ട്‌പേരെ തെരഞ്ഞെടുക്കുന്ന ദ്വയാംഗ മണ്ഡലം പുതുതലമുറക്ക്‌ അറിയില്ല. വടക്കാഞ്ചേരിയുടെ തുടക്കം ഇങ്ങനെയാണ്‌. ചരിത്രപ്രസിദ്ധമായ മണിമലർക്കാവ്‌ മാറുമറയ്‌ക്കൽ സമരത്തിന്റെ സ്‌മരണകളും വാഴാനി കനാൽ സമരവും മിച്ചഭൂമി സമരവുമല്ലാം ഇവിടെ തുടിക്കും. ഭൂമിശാസ്ത്രപരമായ മാറ്റങ്ങളോടെയാണ്‌ ഇപ്പോഴത്ത മണ്ഡലം. മഹാദുരന്തം വിഴുങ്ങിയ കുറാഞ്ചേരിയെ സർക്കാരും ജനങ്ങളുമൊന്നായി വീണ്ടെടുക്കുന്ന ദൃശ്യങ്ങൾ കാണാം. പാവപ്പെട്ടവർക്കുള്ള വീട്‌മുടക്കുന്ന ദുഷ്ടശക്തികളുടെ അപഹാസ്യപ്രകടങ്ങളും ഏകാഭിനയവും കസർത്തുകാട്ടി.
വടക്കാഞ്ചേരി നഗരസഭയും തെക്കുംകര, മുളങ്കുന്നത്തുകാവ്, അവണൂർ, കയ്പറമ്പ്, തോളൂർ, അടാട്ട്, കോലഴി എന്നിങ്ങനെ എട്ടു പഞ്ചായത്തുകളാണ് മണ്ഡലത്തിൽ. ഇതിൽ മുളങ്കുന്നത്തുകാവ് തോളൂർ എന്നിവ ഒഴികെ മറ്റിടങ്ങൾ ഇടതുഭരണത്തിലാണ്‌.
2004ൽ നടന്ന ഉപതെരഞ്ഞെടുപ്പ് വടക്കാഞ്ചേരിയുടെ തെരഞ്ഞെടുപ്പു ചരിത്രപ്രസിദ്ധം.
ഇവർ എംഎൽഎമാർ
1957ലും 60ലും ദ്വയാംഗ മണ്ഡലമായിരുന്ന വടക്കാഞ്ചേരിയിൽ യാഥാക്രമം സി സി അയ്യപ്പൻ (സിപിഐ), കെ കൊച്ചുകുട്ടൻ (കോൺ), കെ ബാലകൃഷ്ണമേനോൻ (പിഎസ്‌ പി), കെ കൊച്ചുകുട്ടൻ (കോൺ) എന്നിവരാണ് തെരഞ്ഞെടുക്കപ്പെട്ടത്. 1965, 67 പ്രൊഫ. എൻ കെ ശേഷൻ (എസ്‌എസ്‌പി), 70 എ എസ് എൻ നമ്പീശൻ (സിപിഐ എം), 77, 80, 82, 87, 91 കെ എസ് നാരായണൻ നമ്പൂതിരി (കോൺ), 96ലും 2001ലും വി ബാലറാം (കോൺ) 2004 ഉപതെരഞ്ഞെടുപ്പ്, 2006 എ സി മൊയ്തീൻ (സിപിഐ എം), 2011 സി എൻ ബാലകൃഷ്‌ണൻ ( കോൺ), 2016 അനിൽ അക്കര ( കോൺ).