ചുവടുറപ്പിച്ച്‌ ചങ്ങനാശേരി
Monday Mar 1, 2021
ബിജി കുര്യൻ
കോട്ടയം> കേരളം ഉറ്റുനോക്കുന്ന മധ്യതിരുവിതാംകൂറിലെ പ്രധാന മണ്ഡലമായ ചങ്ങനാശേരിയിൽ ഇടതും വലതും മാറിമാറി ജനപ്രിയതയുടെ തേരിലേറിയ ചരിത്രമുണ്ട്‌. ജാതി –- മത –- സമുദായ സൗഹാർദ്ദത്തിന്റെ ശ്രീകോവിലായി അറിയപ്പെടുന്ന മണ്ഡലത്തിൽ സംസ്ഥാനം ചർച്ചചെയ്യുന്ന വികസന രാഷ്‌ട്രീയം ഇക്കുറി ഏറെ പ്രസക്തമാണ്‌. 1980 മുതൽ 2016 വരെ തുടർച്ചയായി ഒമ്പത്‌ തവണ സി എഫ്‌ തോമസ്‌ എന്ന റിട്ട. എസ്‌ബി ഹൈസ്‌കൂൾ അധ്യാപകനാണ്‌ ചങ്ങനാശേരിയെ നയിച്ചത്‌. സി എഫ്‌ തോമസ്‌ വിടപറഞ്ഞതോടെ പുതിയൊരു താരോദയത്തിന്‌ കാക്കുകയാണ്‌ ‘അഞ്ച്‌ വിളക്കിന്റെ നാട്’.
കേരള രൂപവൽക്കരണത്തിന്‌ മുമ്പ്‌ തിരുക്കൊച്ചി നിയമസഭയുടെ ഭാഗമായിരുന്നു ഇവിടം. 1948, 51 തെരഞ്ഞെടുപ്പുകളിൽ
ചങ്ങനാശേരി നഗരസഭ, കുറിച്ചി, മാടപ്പള്ളി, പായിപ്പാട്‌, തൃക്കൊടിത്താനം, വാഴപ്പള്ളി എന്നീ പഞ്ചായത്തുകളും ഉൾപ്പെട്ടതാണ്‌ ചങ്ങനാശേരി നിയമസഭാ മണ്ഡലം. ഇതിൽ നാല്‌ ഗ്രാമപഞ്ചായത്തുകൾ – പായിപ്പാട്‌, മാടപ്പള്ളി, തൃക്കൊടിത്താനം, കുറിച്ചി –- എൽഡിഎഫ്‌ നിയന്ത്രണത്തിലാണ്‌. ചങ്ങനാശേരി നഗരസഭയും വാഴപ്പള്ളി പഞ്ചായത്തും യുഡിഎഫ്‌ ഭരിക്കുന്നു
2016ലെ നിയമസഭ വോട്ട്‌നില
ആകെ വോട്ടർമാർ –- 1,66,784 പോളിങ് –- 76.5% സി എഫ്‌ തോമസ്‌ (യുഡിഎഫ്‌) –- 50,371 കെ സി ജോസഫ്‌(എൽഡിഎഫ്‌) –- 48,522 ഏറ്റുമാനൂർ രാധാകൃഷ്‌ണൻ(എൻഡിഎ) –- 21,455 ഭൂരിപക്ഷം –- 1,849
2019 ലെ ലോക്‌സഭ വോട്ട്‌നില
കൊടിക്കുന്നിൽ സുരേഷ്‌ (യുഡിഎഫ്‌) –- 64,368 ചിറ്റയം ഗോപകുമാർ (എൽഡിഎഫ്‌) –- 40,958, തഴവ സഹദേവൻ (എൻഡിഎ) –- 13,884 ഭൂരിപക്ഷം –- 23,410
2020ലെ തദ്ദേശഭരണ തെരഞ്ഞെടുപ്പ്‌ വോട്ട്‌നില
എൽഡിഎഫ്‌ –- 49,186 യുഡിഎഫ്‌ –- 43,855 എൻഡിഎ –- 20,216 ഭൂരിപക്ഷം –- 5,331