റെയിൽവേയിൽ അപ്രന്റിസ് ഒഴിവുകളിലേക്ക് റെയിൽവേ റിക്രൂട്ട്‌മെന്റ് സെൽ (ആർആർസി), സെൻട്രൽ റെയിൽവേ വിജ്ഞാപനം. 2424 ഒഴിവുണ്ട്.
ഡിവിഷനും ഒഴിവും: മുംബൈ ക്ലസ്റ്റർ : കാര്യേജ്‌ & വാഗൺ (കോച്ചിംഗ്) വാദി ബന്ദർ–- 258, കല്യാൺ ഡീസൽ ഷെഡ്–- 50, കുർള ഡീസൽ ഷെഡ് –- 60, സീനിയർ ഡിഇഇ (TRS) കല്യാൺ –- 124, കുർള–- 192, പരേൽ വർക്ക്ഷോപ്പ് –- 303, മാതുംഗ വർക്ക്ഷോപ്പ് –- 547, എസ് ആൻഡ് ടി വർക്ക്ഷോപ്പ്, ബൈകുള –- 60. ഭൂസാവൽ ക്ലസ്റ്റർ: കാര്യേജ്‌ & വാഗൺ ഡിപ്പോ –- 122, ഇലക്ട്രിക് ലോക്കോ ഷെഡ്, ഭൂസാവൽ –- 80, ഇലക്ട്രിക് ലോക്കോമോട്ടീവ് വർക്ക്ഷോപ്പ്, ഭൂസാവൽ –-118, മന്മദ് വർക്ക്ഷോപ്പ് –- 51, ടിഎംഡബ്ല്യു നാസിക് റോഡ് –- 47. പുണെ ക്ലസ്റ്റർ: കാര്യേജ്‌ & വാഗൺ ഡിപ്പോ –-31, ഡീസൽ ലോക്കോ ഷെഡ് –-121, ഇലക്ട്രിക് ലോക്കോ ഷെഡ് ഡൗണ്ട്–- 40. നാഗ്പൂർ ക്ലസ്റ്റർ: ഇലക്ട്രിക് ലോക്കോ ഷെഡ്, അജ്നി–-48, കാര്യേജ്‌ & വാഗൺ ഡിപ്പോ–- 63, മെൽപ് അജ്നി –- 33. സോലാപൂർ ക്ലസ്റ്റർ: കാര്യേജ്‌ & വാഗൺ ഡിപ്പോ –- 55, കുർദുവാദി വർക്ക്ഷോപ്പ് –- 21.
യോഗ്യത: പത്താം ക്ലാസ് പരീക്ഷ കുറഞ്ഞത് 50% മാർക്കോടെ പൂർത്തിയാക്കിയിരിക്കണം. കൂടാതെ, നാഷണൽ കൗൺസിൽ ഫോർ വൊക്കേഷണൽ ട്രെയിനിങ് (എൻസിവിടി) അല്ലെങ്കിൽ സ്റ്റേറ്റ് കൗൺസിൽ ഫോർ വൊക്കേഷണൽ ട്രെയിനിങ് (എസ്‌സിവിടി) ദേശീയ ട്രേഡ് സർട്ടിഫിക്കറ്റ്. അപേക്ഷാ ഫീസ്: ജനറൽ, ഇഡബ്ല്യുഎസ്, ഒബിസി : 100 രൂപ. എസ്‌സി, എസ്‌ടി, പിഡബ്ല്യുഡി, സ്ത്രീ: ഫീസില്ല. പ്രായപരിധി: 15 – 24 വയസ് (2024 ജൂലൈ 15 പ്രകാരം). നിയമാനുസൃത വയസ്സിളവ്. മെട്രിക്കുലേഷനിലും ഐടിഐയിലും ലഭിച്ച മാർക്കിന്റെ ശരാശരി എടുത്ത് തയ്യാറാക്കുന്ന മെറിറ്റ് ലിസ്റ്റിനെ അടിസ്ഥാനമാക്കിയായിരിക്കും തെരഞ്ഞെടുപ്പ്. വെബ്സെെറ്റ്: www.rrccr.com. ആഗസ്ത് 15ന് വെെകിട്ട് 5വരെ അപേക്ഷിക്കാം. www.rrccr.com
കായികതാരങ്ങൾക്ക് അപേക്ഷിക്കാം
സൗത്ത് ഈസ്റ്റേൺ റെയിൽവേയിൽ കായികതാരങ്ങൾക്ക് അവസരം. ആകെ ഒഴിവ്: 49. ഗ്രൂപ്പ് 'സി' ലെവൽ -2/ലെവൽ- 3 –- 16, ഗ്രൂപ്പ് 'ഡി' ലെവൽ -1 –- 33. യോഗ്യത: ഗ്രൂപ്പ് 'സി' ലെവൽ -2/ലെവൽ -3: പ്ലസ്‌ 2 ജയം. ഗ്രൂപ്പ് 'ഡി' ലെവൽ -1: പത്താം ക്ലാസ്/ഐടിഐ ജയം. പ്രായപരിധി: 18–-25 വയസ് (01-–-01- –-2025 പ്രകാരം).
അപേക്ഷ ഫീസ്: യുആർ/ഒബിസി: 500 രൂപ. എസ്‌സി/എസ്‌ടി/വിമുക്തഭടൻ/വികലാംഗർ (പിഡബ്ല്യുഡി), സ്ത്രീകൾ, ന്യൂനപക്ഷങ്ങൾ, സാമ്പത്തിക പിന്നാക്ക വിഭാഗങ്ങൾ: 250 രൂപ. -ഐപിഒ അല്ലെങ്കിൽ ബാങ്ക് ഡ്രാഫ്റ്റ് വഴി ഫീസടക്കാം. ഓൺലൈനായി അപേക്ഷിക്കുന്നതിനും ഫീസ് അടയ്‌ക്കുന്നതിനുമുള്ള അവസാന തീയതി : ആഗസ്ത് 19ന് വൈകിട്ട്‌ 6 വരെ (വടക്ക് കിഴക്കൻ സംസ്ഥാനങ്ങൾ, സിക്കിം, ജമ്മു & കാശ്മീർ, ലാഹൗൾ & സ്പിതി ജില്ല, പ്രദേശിലെ ഹിമാചൽ പ്രദേശിലെ ചമ്പ ജില്ല, ആൻഡമാൻ & നിക്കോബാർ ദ്വീപുകൾ, ലക്ഷ്വദീപ് എന്നിവിടങ്ങളിലെ പാംഗി സബ് ഡിവിഷൻ എന്നിവിടങ്ങളിൽ ആഗസ്ത് 29-). വെബ്‌സൈറ്റ്‌: www.er.indianrailways.gov.in.
സെൻട്രൽ റെയിൽവേയിൽ 62 ഒഴിവുണ്ട്. ലെവൽ 5/4 - –- 5, ലെവൽ 3/2 - –- 16, ലെവൽ 1 –- 41. ആഗസ്ത് 21-ന് വൈകിട്ട്‌ 6 വരെ അപേക്ഷിക്കാം. വെബ്‌സൈറ്റ്‌: www.rrccr.com.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
