ഏറ്റുമാനൂർ > എം.സി റോഡിൽ മോനിപ്പള്ളിയിൽ ഉണ്ടായ വാഹനാപകടത്തിൽ രണ്ടുപേർ മരിച്ചു. പറന്തൽ തൊട്ടിലു വിളവീട്ടിൽ ഗോപാലകൃഷ്‌ണപിള്ള മകൻ ശ്രീജിത്ത് (33), പറന്തൽ കലതി വിളയിൽ മനോജ് (33) എന്നിവരാണ് മരിച്ചത്. ചൊവ്വാഴ്‌ച പുലർച്ചെ 5 30 ന്‌ കാറും ടോറസും കൂട്ടിയിടിച്ചാണ്‌ അപകടം. നെടുമ്പാശ്ശേരി എയർപോർട്ടിൽ സുഹൃത്തിനെ യാത്രയാക്കി തിരികെ മടങ്ങിയ പന്തളം സ്വദേശികളാണ് മരിച്ചത്. ടോറസോടിച്ചിരുന്ന സോമനെ (35) കോട്ടയം മെഡിക്കൽ കോളേജിൽ പ്രവേശിപ്പിച്ചു. മൃതദേഹങ്ങളും മെഡിക്കൽ കോളേജിലേക്ക് മാറ്റി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
