ആനന്ദ് ഏകർഷിക്ക്
 അഭിനന്ദനവുമായി മന്ത്രിയെത്തി

കളമശേരി
മികച്ച സിനിമയ്‌ക്കുള്ള ദേശീയ പുരസ്‌കാരം നേടിയ ആട്ടത്തിന്റെ സംവിധായകൻ ആനന്ദ് ഏകർഷിയെ വ്യവസായമന്ത്രി പി രാജീവ് വീട്ടിലെത്തി അഭിനന്ദിച്ചു. കളമശേരി ചങ്ങമ്പുഴ നഗറിലെ വീട്ടിലെത്തിയ മന്ത്രി ഓണക്കോടി നൽകി. മികച്ച എഡിറ്റർക്കുള്ള ദേശീയപുരസ്കാരം ലഭിച്ച മഹേഷ് ഭുവനേന്ദും ഇവിടെയെത്തിയിരുന്നു. അദ്ദേഹത്തെയും മന്ത്രി അഭിനന്ദനമറിയിച്ചു. ഏലൂർ നഗരസഭാ ചെയർമാൻ എ ഡി സുജിലും ഒപ്പമുണ്ടായി.

വിനയ് ഫോർട്ടിന്റെ മുൻകൈയിൽ രൂപമെടുത്ത സിനിമയിൽ എല്ലാവരും മനോഹരമായി അഭിനയിച്ചിട്ടുണ്ടെന്നും കൃത്യമായ നിലപാട് സൗന്ദര്യാത്മകമായി അവതരിപ്പിക്കാൻ കഴിഞ്ഞതാണ് സിനിമയുടെ മികവെന്നും മന്ത്രി ഫേസ്ബുക്കിൽ കുറിച്ചു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..