പാലക്കാട് > കാരാകുറിശ്ശിയിൽ പൂട്ടിയിട്ട വീട്ടിൽ നിന്ന് 50 പവൻ കവർന്നു. പുല്ലിശ്ശേരി സ്രാമ്പിക്കല്‍ ഷാജഹാന്റെ വീട്ടിലാണ് മോഷണം നടന്നത്. ഞായറാഴ്ച വൈകീട്ട് നാലിനും ആറരക്കും ഇടയിലാണ് കവർച്ച നടന്നതെന്ന് പൊലീസ് പറഞ്ഞു. കുടുംബം ഞായറാഴ്ച വൈകീട്ട് നാലോടെ വീടുപൂട്ടി പ്രദേശത്തെ വിവാഹസൽക്കാരത്തിൽ പങ്കെടുക്കാൻ പോയിരുന്നു. മടങ്ങിയെത്തിയപ്പോൾ വീടിന്റെ പിന്‍വശത്തെ ഗ്രിൽ തുറന്നിട്ട നിലയിലായിരുന്നു. പിന്നീട് നടത്തിയ പരിശോധനയിലാണ് അലമാരയിൽ നിന്നും 50 പവൻ നഷ്ടപ്പെട്ടുവെന്നറിഞ്ഞത്.
മണ്ണാർക്കാട് പൊലീസിൽ മോഷണം വിവരം അറിയിച്ചു. തുടർന്ന് പാലക്കാട്ടുനിന്ന് വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി തെളിവെടുത്തു. പൊലീസ് കേസെടുത്ത് അന്വേഷണം തുടങ്ങി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
