കോഴിക്കോട് > ബംഗളൂരുവിൽ നിന്ന് കേരളത്തിലേക്കുവന്ന സ്വകാര്യ ബസ് കടയിലേക്ക് ഇടിച്ചുകയറി. കോഴിക്കോട് എലത്തൂർ കാട്ടില പീടികയിൽ ശനി രാവിലെയാണ് അപകടം നടന്നത്. ബംഗളൂരുവിൽ നിന്ന് തിരൂരിലേക്ക് പോകുകയായിരുന്ന സ്വകാര്യ ബസാണ് അപകടത്തിൽപ്പെട്ടത്.
പരിക്കേറ്റ ബസ് ഡ്രൈവറെ ആശുപത്രിയിൽ പ്രവേശിപ്പിച്ചു. 20ഓളം യാത്രക്കാരാണ് ബസിലുണ്ടായിരുന്നത്. റോഡരികിലുണ്ടായിരുന്ന വെൽഡിങ് ഷോപ്പിലേക്കാണ് വണ്ടി ഇടിച്ചുകയറിയത്. കടയിലുണ്ടായിരുന്ന തൊഴിലാളികൾ പരിക്കുകളില്ലാതെ രക്ഷപെട്ടു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
