തിരുവനന്തപുരം> അഖിൽ പി ധർമ്മജന്റെ 'റാം c/o ആനന്ദി' എന്ന നോവലിന്റെ വ്യാജപതിപ്പ് നിർമ്മിക്കുകയും വിതരണം ചെയ്യുകയും ചെയ്ത തിരുവനന്തപുരം പൂന്തുറ സ്വദേശി ഹബീബ് റഹ്മാൻ കസ്റ്റഡിയിൽ. എറണാകുളം സെൻട്രൽ പൊലീസിന്റേതാണ് നടപടി.
മറൈൻ ഡ്രൈവിൽ നടന്ന ഗുണാകേവ് എക്സിബിഷൻ സെന്ററിലെ പുസ്തക സ്റ്റാളിലാണ് 'റാം c/o ആനന്ദി' എന്ന പുസ്തകത്തിന്റെ വ്യാജ പതിപ്പുകൾ പകർപ്പവകാശ നിയമത്തിന് വിരുദ്ധമായി വിൽക്കുന്നതായി കണ്ടെത്തിയത്. ഇന്ത്യൻ പകർപ്പവകാശ നിയമപ്രകാരമാണ് പ്രതികൾക്കെതിരെ കേസെടുക്കുന്നത്. ഡി സി ബുക്സിനാണ് പുസ്‌തകത്തിൻ്റെ പ്രസിദ്ധീകരണ പകർപ്പവകാശം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
