തിരുവനന്തപുരം > പാലക്കാട്ടെ യുഡിഎഫ് ജയം വർഗീയത കൂട്ടുപിടിച്ചാണെന്നും കോൺഗ്രസ് - ബിജെപി ഡീൽ തെളിഞ്ഞതായും മന്ത്രി പി രാജീവ്. തൃശൂരിൽ കോൺഗ്രസ് നൽകിയ വോട്ട് പാലക്കാട് ബിജെപി തിരിച്ചു നൽകി. ബിജെപിയിൽ നിന്നും കുറഞ്ഞ വോട്ടാണ് കോൺഗ്രസിന് കിട്ടിയത്. കേരളത്തിൽ കോൺഗ്രസ് ബിജെപിയുടെ ഒരു ബി ടീമിനെ പോലെ പ്രവർത്തിക്കുന്നു. പാലക്കാട് സിപിഎംമിന് വോട്ട് കുറയുകയല്ല മറിച്ച് കൂടുകയായിരുന്നുവെന്നും മന്ത്രി പറഞ്ഞു.
രാഷ്ട്രീയ പോരാട്ടം ചേലക്കരയിലാണെന്നാണ് കോൺഗ്രസ് സംഘടന നേതൃത്വം പറഞ്ഞിരുന്നത്. കെ രാധാകൃഷ്ണന് ലഭിച്ചതിനേക്കാൾ ഭൂരിപക്ഷത്തോടെയാണ് യു ആർ പ്രദീപ് ചേലക്കരയിൽ വിജയിച്ചത്. പ്രദീപിന് മുൻ വർഷം ലഭിച്ച വോട്ടുകളേക്കാൾ കൂടുതൽ വോട്ടാണ് ലഭിച്ചത്. ജനങ്ങളെല്ലാം ശരിയായി വിലയിരുത്തുന്നു എന്നാണ് ചേലക്കരയിലെ ഫലം കാണേണ്ടത്. നല്ല രീതിയിൽ ഭരണം തുടർന്ന് പോകുന്നതിന് ജനങ്ങളുടെ അംഗീകാരം തന്നെയാണ് ഈ വിജയമെന്നും മന്ത്രി പറഞ്ഞു.
എസ്ഡിപിഐ, വെൽഫെയർ പാർടി, ആർഎസ്എസ്, കോൺഗ്രസ്, മുസ്ലീം ലീഗ് എല്ലാം ചേർന്ന പ്രത്യേക മുന്നണി കേരളത്തിന്റെ മതനിരപേക്ഷയ്ക്ക് ദോഷം ചെയ്യാൻ സാധ്യതയുള്ള ഒരു അവിശുദ്ധ മഴവിൽസഖ്യമാണ്. ഇതിനെയെല്ലാം മറികടന്ന് ചേലക്കരയിലെ ജനങ്ങൾ ശരിയായയി ചിന്തിച്ച് മികച്ച വിജയം വിജയം നൽകിയെന്നും പി രാജീവ് പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
