തൃപ്പൂണിത്തുറ
വടക്കേക്കോട്ട മെട്രോ സ്റ്റേഷനടുത്തെ വുഡ് ഹൗസ് ഹോട്ടലിൽ പാചകവാതക സിലിണ്ടർ ചോർന്ന്‌ തീപിടിത്തം. വൈകിട്ട് നാലരയോടെയാണ്‌ സംഭവം.
നിമിഷനേരംകൊണ്ട് തീ ആളിപ്പടർന്നു. തീപിടിച്ച സിലിണ്ടറിനടുത്ത്‌ മറ്റ് രണ്ട് സിലിണ്ടറുകളും ഉണ്ടായിരുന്നു. ഉടൻ സ്ഥലത്തെത്തിയ അഗ്നിരക്ഷാസേന തീ നിയന്ത്രണവിധേയമാക്കി സിലിണ്ടറുകൾ പുറത്തെത്തിച്ചു. ഒരെണ്ണം ചൂടുകൊണ്ട് പൊട്ടാറായ അവസ്ഥയിലായിരുന്നു. കടയുടെ ഉൾഭാഗം പൂർണമായി കത്തിനശിച്ചു. തൃപ്പൂണിത്തുറ അഗ്നിരക്ഷാനിലയത്തിൽനിന്ന്‌ രണ്ട് യൂണിറ്റ് എത്തിയാണ് തീയണച്ചത്.
സ്റ്റേഷൻ ഇൻ ചാർജ് ജയകുമാറിന്റെ നേതൃത്വത്തിൽ എസ്എഫ്ആർഒ കൃഷ്ണകുമാർ, ജിതിൻ, പ്രവീൺ, അനുരാജ്, മഹേഷ്, ശ്രീരാജ്, ഹോംഗാർഡ് ബാബു എന്നിവർ രക്ഷാപ്രവർത്തനത്തിൽ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
