കൊച്ചി
സ്വർണവില വീണ്ടും പുതിയ റെക്കോഡിലേക്ക്‌. ബുധനാഴ്‌ച 320 രൂപ വർധിച്ച് പവന് 58,720 രൂപയും ഗ്രാമിന് 40 രൂപ വർധിച്ച് 7340 രൂപയുമായി. തിങ്കളാഴ്ച 58,400 രൂപയായിരുന്നു. ഏഴുദിവസത്തിനുള്ളിൽ ആറാംതവണയാണ് സ്വർണവില പുതിയ റെക്കോഡിടുന്നത്‌. ഏഴുദിവസംകൊണ്ട് പവന് 1920 രൂപയും ഗ്രാമിന് 240 രൂപയും വർധിച്ചു. പശ്ചിമേഷ്യൻ സംഘർഷവും യുഎസ് പ്രസിഡന്റ് തെരഞ്ഞെടുപ്പുഫലത്തെക്കുറിച്ചുള്ള അനിശ്ചിതത്വവുമാണ്‌ വില ഉയരാൻ കാരണം. അന്താരാഷ്ട്രവില ട്രോയ് ഔൺസിന് (31.1 ഗ്രാം) 2752 ഡോളർ കടന്നു. നിക്ഷേപകർ ലാഭമെടുപ്പിന് ശ്രമിച്ചില്ലെങ്കിൽ വരുംദിവസങ്ങളിൽ പവൻവില 59,000 കടന്നേക്കുമെന്നാണ് വിപണി വിദഗ്ധർ സൂചിപ്പിക്കുന്നത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
