തിരുവനന്തപുരം
കോഴിക്കോട് നടക്കാവ് ഗവ. വിഎച്ച്എസ്എസ് ഫോർ ഗേൾസ്‌ രാജ്യത്തെ രണ്ടാമത്തെ മികച്ച സർക്കാർ സ്‌കൂളായി തെരഞ്ഞെടുക്കപ്പെട്ടു. തുടർച്ചയായ രണ്ടുവർഷങ്ങളിലെ മൂന്നാം സ്ഥാനത്തുനിന്നാണ് ഈ മുന്നേറ്റം.
കേന്ദ്ര സർക്കാർ സ്കൂളുകളുടെ വിഭാഗത്തിൽ പട്ടം കേന്ദ്രീയ വിദ്യാലയം ഏഴാം സ്ഥാനവും ബോർഡിങ് സ്കൂൾ വിഭാഗത്തിൽ ചെന്നിത്തല ജവഹർ നവോദയ വിദ്യാലയം രണ്ടാംസ്ഥാനവും നേടി. ഡേ കം ബോർഡിങ് സ്കൂൾ വിഭാഗത്തിൽ കോട്ടയത്തെ പള്ളിക്കൂടം സ്കൂൾ മൂന്നാമതെത്തി. അന്താരാഷ്ട്ര ഡേ കം ബോർഡിങ് സ്കൂൾ വിഭാഗത്തിൽ കോഴിക്കോട് സദ്ഭാവന വേൾഡ് സ്കൂൾ ഒമ്പതാം സ്ഥാനം നേടി. ഡൽഹി ആസ്ഥാനമായി പ്രവർത്തിക്കുന്ന വിദ്യാഭ്യാസ മാസികയുടെ എഡ്യുക്കേഷൻ വേൾഡ് ഇന്ത്യ സ്കൂൾ റാങ്കിങ്ങിലാണ് കേരളം മികവ്‌ തെളിയിച്ചത്‌.
പൗരാണിക പെൺപള്ളിക്കൂടങ്ങളുടെ പട്ടികയിൽ കേരളത്തിൽ നിന്ന് തിരുവനന്തപുരം ഹോളി ഏഞ്ചൽസ്ഇടം നേടി . മികച്ച ബോർഡിങ് സ്കൂളുകളുടെ പട്ടികയിൽ ദി ചോയ്സ് സ്കൂൾ കൊച്ചി, കെഇ ഇംഗ്ലീഷ് മീഡിയം സ്കൂൾ മാന്നാനം, ടോളിൻസ് വേൾഡ് കാലടി എന്നിവയും ബോയ്സ് സ്കൂൾ വിഭാഗത്തിൽ തിരുവനന്തപുരം ലയോള സ്കൂൾ, മിക്സഡ് സ്കൂൾ വിഭാഗത്തിൽ കാഞ്ഞിരപ്പള്ളി സെന്റ് ആന്റണീസ്, കാക്കനാട് രാജഗിരി ക്രിസ്തുജയന്തി, തേവര എസ്എച്ച് പബ്ലിക് സ്കൂൾ, കാക്കനാട് ഭവൻസ് ആദർശ വിദ്യാലയ എന്നിവയും ആദ്യ 150 സ്ഥാനങ്ങളിൽ ഇടംപിടിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
