തിരുവനന്തപുരം > ഈ വർഷത്തെ ഓൺലൈൻ ഹജ്ജ് അപേക്ഷക്കുള്ള അവസാന തീയതി 30വരെ നീട്ടിയതായി കേന്ദ്ര ഹജ്ജ് കമ്മിറ്റി അറിയിച്ചു. ഇതുവരെ കേരള സംസ്ഥാന ഹജ്ജ് കമ്മിറ്റി മുഖേന 18,835 ഓൺലൈൻ അപേക്ഷകൾ ലഭിച്ചിട്ടുണ്ട്. ഇതിൽ 3768 അപേക്ഷകൾ 65 വയസ്സിനുമുകളിലും 2077 അപേക്ഷകൾ 45 വയസ്സിനുമുകളിൽ പ്രായമുള്ള വനിതാവിഭാഗത്തിലും (മെഹറം ഇല്ലാത്ത) 12,990 അപേക്ഷകൾ ജനറൽ വിഭാഗത്തിലുമാണ് ലഭിച്ചിട്ടുള്ളത്. രാജ്യത്താകെ ഇതുവരെ 1,32,511 അപേക്ഷകളാണ് ലഭിച്ചത്. കേരളത്തിൽ നിന്നുള്ള അപേക്ഷകർ നിശ്ചിത സമയത്തിനകം നടപടികൾ പൂർത്തീകരിക്കണമെന്ന് സംസ്ഥാന ഹജ്ജ് കമ്മിറ്റി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
