മഞ്ഞുമലയിലെ വിമാന ദുരന്തം ; 56 വർഷം മുമ്പ് കാണാതായവരില്‍ ഒരു മലയാളി സെെനികൻകൂടി

പത്തനംതിട്ട
ലേ ലഡാക്കിൽ 56 വര്‍ഷംമുമ്പ്  വിമാന ദുരന്തത്തിൽ കാണാതായ സൈനികരിൽ പത്തനംതിട്ട സ്വദേശിയായ ഒരാൾകൂടി. കാട്ടൂര്‍ വയലത്തല ഈട്ടിനിൽക്കുന്ന കാലായിൽ ഇ എം തോമസിനെയാണ് ഇതേ ദുരന്തത്തില്‍  കാണാതായത്. ദുരന്തത്തിൽ മരിച്ച തോമസ് ചെറിയാന്റെ മൃതദേഹം  ലേ ലഡാക്കിലെ മഞ്ഞുമലയിൽ തിങ്കളാഴ്‌ച  കണ്ടെത്തിയിരുന്നു. ഇയാളുടെ   അകന്ന ബന്ധുകൂടിയാണ് ഇ എം തോമസ്.  ഇ ടി മാത്യുവിന്റെയും സാറാമ്മ മാത്യുവിന്റെയും മൂത്ത മകനായ തോമസിനെ  കാണാതാകുമ്പോൾ 21 വയസായിരുന്നു. തോമസിന്റെ സഹോദരന്‍ ബാബു തോമസിന് സര്‍ക്കാര്‍ വനംവകുപ്പില്‍ ജോലി നല്‍കിയിരുന്നു. അച്ഛനും അമ്മയ്ക്കും സൈന്യത്തില്‍നിന്ന് പെന്‍ഷനും ലഭിച്ചിരുന്നു. സഹോദരി മോളി വര്‍​ഗീസ് അമേരിക്കയിലാണ്.   
 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..