വാര്‍ത്തകൾ വായിക്കുന്നത് ശിവദ മോഹനന്‍

ചായക്കൊപ്പം രാവിലെ പത്രം കൂടി കിട്ടിയില്ലെങ്കിൽ മലയോരത്തുള്ളവര്‍ക്ക്‌ അസ്വസ്ഥരാവേണ്ട; രാവിലെ വാട്ട്സാപ്പ് തുറന്നാൽ മതി. ഒമ്പതുകാരിയുടെ ശബ്ദത്തിൽ ദേശാഭിമാനി വാര്‍ത്തകൾ കാതുകളിലെത്തും. അതിരാവിലെ എഴുന്നേറ്റ് ആറുമണിയോടെ ദേശാഭിമാനി വാര്‍ത്തകൾ ശബ്​ദ സന്ദേശമായി ​ഗ്രൂപ്പുകളിൽ എത്തിക്കുന്നത് കോടോത്ത്‌ അംബേദ്‌കർ സ്‌കൂളിലെ ശിവദയാണ്‌. പനത്തടി സഹകരണ ബാങ്ക് വാച്ച്മാൻ ഒടയംചാൽ ആലടുക്കത്തെ മോഹനന്റെയും ദീപയുടെയും മകളാണ്‌. അക്ഷരമുറ്റം സബ് ജില്ലാ മത്സരത്തിൽ രണ്ടാം സ്ഥാനം ലഭിച്ച ശിവദ മോഹനൻ വർഷങ്ങളായി ഈ പതിവ് തുടങ്ങിയിട്ട്. കവിത, കഥ, കടംകഥ തുടങ്ങിയ 380ഓളം പുസ്തകങ്ങൾ ഇതിനകം വായിച്ചിട്ടുണ്ട്.