കോഴിക്കോട്
ജില്ലാ കളരിപ്പയറ്റ് ചാമ്പ്യൻഷിപ്പിന് ഇൻഡോർ സ്റ്റേഡിയത്തിൽ തുടക്കമായി. അഹമ്മദ് ദേവർകോവിൽ എംഎൽഎ ഉദ്ഘാടനംചെയ്തു. ജില്ലാ സ്പോർട്സ് കൗൺസിൽ പ്രസിഡന്റ് ഒ രാജഗോപാൽ അധ്യക്ഷനായി. അസോസിയേഷൻ പ്രസിഡന്റ് ആനന്ദൻ ഗുരുക്കൾ അനുശോചന പ്രമേയം അവതരിപ്പിച്ചു.
കളരിപ്പയറ്റ് ദേശീയ മത്സരത്തിൽ മെഡൽ നേടിയ വിദ്യാർഥികളെയും ഗുരുക്കന്മാരെയും സംസ്ഥാന സ്പോർട്സ് കൗൺസിൽ മുൻ പ്രസിഡന്റ് ടി പി ദാസൻ അനുമോദിച്ചു. എ മൂസ ഹാജി സംസാരിച്ചു. മുരളീധരൻ ഗുരുക്കൾ സ്വാഗതവും രാജേഷ് ഗുരുക്കൾ നന്ദിയും പറഞ്ഞു. വെള്ളിയാഴ്ച സബ് ജൂനിയര്‍, ജൂനിയര്‍ വിഭാഗങ്ങളിലായിരുന്നു മത്സരം. രണ്ട് ദിവസത്തെ ചാമ്പ്യൻഷിപ്പിൽ 600ഓളം പേർ പങ്കെടുക്കുന്നുണ്ട്‌.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
