ജില്ലയിൽ ഇന്നും മഞ്ഞ അലർട്ട്‌

തിരുവനന്തപുരം

ജില്ലയിൽ വിവിധയിടങ്ങളിൽ ശനിയാഴ്ച പെയ്തത്‌ ശക്തമായ മഴ. നഗര, ഗ്രാമ വ്യത്യാസമില്ലാതെ മഴ ശക്തമായിരുന്നു. ഞായറാഴ്ചയും ജില്ലയിൽ മഞ്ഞ അലർട്ടാണ്‌.64.5 മില്ലിമീറ്റർമുതൽ 115.5 മില്ലിമീറ്റർവരെ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്‌. തട്ടത്തുമല–- 49.5 മിമീ, പെരുംങ്കടവിള–- 43.5, വിമാനത്താവളം–36.5, വർക്കല–-32 എന്നിവിടങ്ങളിൽ മഴ ശക്തമായിരുന്നു. പേപ്പാറ, അരുവിക്കര ഡാമുകളുടെ ഷട്ടറുകൾ ഉയർത്തിയിട്ടുണ്ട്‌. ഇരു ഡാമുകളിലെയും കരകളിൽ താമസിക്കുന്നവർ ജാഗ്രത പാലിക്കണമെന്ന് കലക്ടർ അറിയിച്ചു.