ആറളം ആനമതിൽ മാർച്ചിൽ പൂർത്തിയാക്കണം: മന്ത്രി ഒ ആർ കേളു

പയ്യന്നൂർ

സംസ്ഥാന പട്ടികജാതി വികസനവകുപ്പ് നവീകരിച്ച കരിവെള്ളൂർ –- പെരളം പഞ്ചായത്തിലെ കൂക്കാനം അംബേദ്കർ ഗ്രാമപദ്ധതി  മന്ത്രി ഒ ആർ കേളു ഉദ്ഘാടനം ചെയ്‌തു. ടി ഐ മധുസൂദനൻ എംഎൽഎ അധ്യക്ഷനായി. ജില്ലാ നിർമിതി കേന്ദ്രം പ്രൊജക്ട് എൻജിനിയർ യു ജീന റിപ്പോർട്ട് അവതരിപ്പിച്ചു.  കരിവെള്ളൂർ –- പെരളം പഞ്ചായത്ത് പ്രസിഡന്റ് എ വി ലേജു, ബ്ലോക്ക് പഞ്ചായത്ത് വൈസ് പ്രസിഡന്റ് എം വി അപ്പുക്കുട്ടൻ,  പി പങ്കജാക്ഷി,  പി ശ്യാമള, കെ നാരായണൻ, പി രമേശൻ, പി ശശി, കെ രാഘവൻ, കെ ഇ മുകുന്ദൻ എന്നിവർ സംസാരിച്ചു.  ജില്ലാ പട്ടികജാതി വികസന ഓഫീസർ കെ മനോഹരൻ സ്വാഗതവും കെ രതീഷ് നന്ദിയും പറഞ്ഞു.  അംബേദ്കർ ഗ്രാമ വികസന പദ്ധതി പ്രകാരം 50ലക്ഷം രൂപയുടെ വികസന പ്രവർത്തനങ്ങളാണ് പൂർത്തിയാക്കിയത്. വീടുകളുടെ അറ്റകുറ്റപ്പണി, ഓവുചാൽ നിർമാണം, കമ്മ്യൂണിറ്റി ഹാൾ നവീകരണം എന്നീ പ്രവൃത്തികളാണ് ഉൾപ്പെട്ടിരുന്നത്.