കണ്ണൂർ
കണ്ണൂർ അന്താരാഷ്ട്ര വിമാനത്താവളത്തിന്റെ ആറാം വാർഷികം വിവിധ പരിപാടികളോടെ ആഘോഷിച്ചു. കിയാലിലെയും വിവിധ ഏജൻസികളിലെയും ജീവനക്കാരുടെ കലാപരിപാടികളും വടംവലി മത്സരവും അരങ്ങേറി. കിയാൽ എംഡി സി ദിനേശ്‌കുമാർ, സിഒഒ അശ്വനി കുമാർ, സിഐഎസ്‌എഫ്‌ കമാൻഡന്റ്‌ അനിൽ ദേണ്ടിയാൽ, ഇൻഡിഗോ സ്‌റ്റേഷൻ മാനേജർ കീർത്തിക ഐസ്വാൾ എന്നിവർ സംസാരിച്ചു.
വാഹനപാർക്കിങ്ങിന്
ഇനി ഫാസ്ടാഗ്
മട്ടന്നൂർ
കണ്ണൂർ വിമാനത്താവളത്തിൽ ആറാം വാർഷിക ദിനത്തിൽ വാഹനപാർക്കിങ്ങിന് ഫാസ്ടാഗ് സംവിധാനം നിലവിൽവന്നു. കിയാൽ എംഡി സി ദിനേശ് കുമാർ ഉദ്ഘാടനംചെയ്തു. ഇതുവഴി ടോൾബൂത്തിലുള്ള കാത്തിരിപ്പ് ഒഴിവാക്കാം. വിമാനത്താവളത്തിലേക്ക് വാഹനം കയറുമ്പോഴും തിരിച്ചിറങ്ങുമ്പോഴും ക്യാമറ ഉപയോഗിച്ച് വാഹനത്തിന്റെ നമ്പർ പകർത്തുകയും ടോൾ തുക അറിയിക്കുകയും ചെയ്യും. ഫാസ്ടാഗ് ഇല്ലാത്ത വാഹനങ്ങൾക്ക് പണം നേരിട്ട് ടോൾ ബൂത്തിൽ അടയ്ക്കാം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
