മട്ടന്നൂർ മണ്ഡലത്തിലെ 
പ്രളയബാധിതർക്ക് 
തമിഴ്‌നാട്ടിൽനിന്ന്‌ സഹായം

കൂത്തുപറമ്പ്

മട്ടന്നൂർ  മണ്ഡലത്തിലെ പ്രളയബാധിതർക്ക്‌ തമിഴ്നാട്ടിൽനിന്ന്‌ സഹായം. ചെന്നൈ തേനമ്പേത്ത് റസിഡൻസ് അസോസിയേഷനാണ് സഹായമെത്തിച്ചത്.  ജനാധിപത്യ മഹിളാ അസോസിയേഷന്റെ അഭ്യർഥനയെ തുടർന്നാണ് വിവിധ ഉൽപ്പന്നങ്ങൾ എത്തിച്ചത്‌. കൂത്തുപറമ്പ് സ്റ്റേഡിയം പവലിയനിൽ കെ കെ ശൈലജ എംഎൽഎ ഉൽപ്പന്നങ്ങൾ ഏറ്റുവാങ്ങി ദുരിത മേഖലയിലെ പഞ്ചായത്ത് പ്രസിഡന്റുമാരെ ഏൽപ്പിച്ചു. കെ പി വി പ്രീത  അധ്യക്ഷയായി. പി കെ ശ്യാമള, ആർ ഷീല,  പി സി ഗംഗാധരൻ, വി ബാലൻ, എം റജി, എൻ വി സരള , എൻ അനിത, കെ ശോഭ തുടങ്ങിയവർ സംസാരിച്ചു.