അഴീക്കോട്
സിപിഐ എം കണ്ണൂർ ഏരിയാ സമ്മേളനം അഴീക്കാേട് ചാൽ സ്നേഹതീരം ഓഡിറ്റോറിയത്തിൽ സജ്ജമാക്കിയ ചക്കര ശിവാനന്ദൻ നഗറിൽ ശനിയാഴ്‌ച തുടങ്ങും. രാവിലെ എട്ടിന് മീൻകുന്നിലെ എം ധനേഷ് രക്തസാക്ഷിമണ്ഡപത്തിൽനിന്ന്‌ ദീപശിഖ ജില്ലാ സെക്രട്ടറിയറ്റംഗം എം പ്രകാശൻ ജാഥാലീഡർ പി പ്രശാന്തന് കൈമാറും. പ്രതിനിധി സമ്മേളനം രാവിലെ 10ന് കേന്ദ്ര കമ്മിറ്റിയംഗം ഇ പി ജയരാജൻ ഉദ്ഘാടനംചെയ്യും.
ഏരിയാ കമ്മിറ്റിയംഗങ്ങൾ ഉൾപ്പെടെ 178 പ്രതിനിധികൾ പങ്കെടുക്കും. ഞായർ വൈകിട്ട് മൂന്നുനിരത്ത് കേന്ദ്രീകരിച്ച് ബഹുജനപ്രകടനവും ചുവപ്പ്‌ വളന്റിയർ മാർച്ചും നടക്കും. ചാൽ ബീച്ചിലെ കല്ലേൻ പവിത്രൻ നഗറിൽ പൊതുസമ്മേളനം കേന്ദ്ര കമ്മിറ്റി അംഗം കെ കെ ശൈലജ ഉദ്ഘാടനംചെയ്യും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
