ചെമ്മനാട് ലൈഫ് ഫ്ലാറ്റ് 
രണ്ടുമാസത്തിനകം റെഡി

കാസർകോട്‌

ലൈഫ് ഭവന പദ്ധതിയിലെ മൂന്നാംഘട്ടത്തിൽ ഉൾപ്പെടുത്തി ചെമ്മനാട്  പഞ്ചായത്തിൽ പുരോഗമിക്കുന്ന ഭവന സമുച്ചയം രണ്ട് മാസത്തിനകം നിർമാണം പൂർത്തിയാകുമെന്ന് നവകേരള കർമപദ്ധതി 2 അവലോകന യോഗം വിലയിരുത്തി. നവംബറോടെ വാട്ടർ അതോറിറ്റി കുടിവെള്ള കണക്ഷൻ ഉറപ്പ് നൽകിയിട്ടുണ്ടെന്ന് ലൈഫ് മിഷൻ കോർഡിനേറ്റർ പറഞ്ഞു. സംസ്ഥാന ലൈഫ് മിഷൻ നേരിട്ട് ഏകോപനം നടത്തുന്ന പദ്ധതിയുടെ നിർമാണ പ്രവൃത്തി  ഹൈദരാബാദ് ആസ്ഥാനമായ സ്ഥാപനമാണ് നടത്തുന്നത്‌. ഗുണഭോക്താക്കളെ തെരഞ്ഞെടുത്തിട്ടില്ല. ഒന്ന്‌, രണ്ടാംഘട്ടത്തിൽ ഉൾപ്പെട്ടതും നിലവിൽ  പ്രവൃത്തി പൂർത്തീകരിച്ചിട്ടില്ലാത്ത വീടുകളിൽ ലൈഫ് മിഷൻ പ്രതിനിധികലെത്തി വിലയിരുത്തിയ ശേഷം പ്രത്യേക യോഗം ചേരാനും  പ്രവൃത്തി വേഗത്തിലാക്കാനും തീരുമാനിച്ചു.