വൈദ്യുത കമ്പി കാലിൽ കുരുങ്ങി; ഷോക്കേറ്റ്‌ പോത്ത് ചത്തു

മാന്നാർ

പൊട്ടിവീണ വൈദ്യുത കമ്പിയിൽ കുരുങ്ങി വൈദ്യുതാഘാതമേറ്റ് പോത്ത് ചത്തു. ചെന്നിത്തല പഞ്ചായത്ത് 18–--ാം വാർഡ് പുതുവേലിൽ ജനാർദനന്റെ  വളർത്തുപോത്താണ് ചത്തത്. തിങ്കൾ പുലർച്ചെ മൂന്നിനാണ് സംഭവം. വീടിന്‌ സമീപത്ത് ചിത്തിരപുരം ഭാഗത്തെ പുരയിടത്തിൽ കെട്ടിയ രണ്ട് വയസായ പോത്തിന്റെ കാലിൽ പൊട്ടിവീണ 11 കെവി വൈദ്യുത ലൈൻ കുരുങ്ങിയ നിലയിലായിരുന്നു.