നാടകമേള കൊടിയിറങ്ങി

ചൂരക്കാട്ടുകര ഗ്രാമീണ നാടകവേദിയുടെ നേതൃത്വത്തിൽ അഞ്ച് ദിവസമായി നടക്കുന്ന നാടകമേളയ്ക്ക് കൊടിയിറങ്ങി. ജനപങ്കാളിത്തം കൊണ്ടും സംഘാടന മികവുകൊണ്ടും ശ്രദ്ധിക്കപ്പെട്ട നാടകങ്ങള്‍ കാണനായി ആയിരങ്ങളാണ് എത്തിയത്. സമാപന പൊതു സമ്മേളനം നാടകവേദി പ്രസിഡന്റ് ഇ എസ് വിജയകുമാർ അധ്യക്ഷനായി. നാടക പ്രവർത്തകൻ രവി കേച്ചേരി മുഖ്യാഥിതിയായി. നാടകവേദി സെക്രട്ടറി എൻ ജെ ശ്രീകുമാർ, കൺവീനർ ഇ കെ ശ്രീനിവാസൻ എന്നിവർ സംസാരിച്ചു. സബ്ജില്ലാ കലോത്സവം നാടക മത്സരത്തിൽ സമ്മാനം നേടിയ നാടക നടൻ മാസ്റ്റർ ആനന്ദ് കൃഷ്ണനെ അനുമോദിച്ചു. തുടർന്ന് കൊച്ചിൻ ചന്ദ്രകാന്തയുടെ ഉത്തമന്റെ സങ്കീർത്തനം എന്ന നാടകം അരങ്ങേറി.