ചിമ്മിനി ഡാമിലേക്ക് ആനവണ്ടി

ലോക ടൂറിസം ദിനത്തിന്റെ ഭാഗമായി ചിമ്മിനിയിലേക്ക്  കെഎസ്ആർടിസി ഉല്ലാസയാത്ര തുടങ്ങി. ആദ്യയാത്രയെ കെ കെ രാമചന്ദ്രൻ എംഎൽഎയും  ജനപ്രതിനിധികളും ചേർന്ന് ചിമ്മിനി ഡാമിൽ സ്വീകരിച്ചു.  കൊടകര ബ്ലോക്ക് പഞ്ചായത്ത് പ്രസിഡന്റ് എം ആർ രഞ്ജിത്ത് അധ്യക്ഷനായി. വരന്തരപ്പിള്ളി പഞ്ചായത്ത് പ്രസിഡന്റ് അജിത സുധാകരൻ, കൊടകര ബ്ലോക്ക് പഞ്ചായത്ത് അംഗം ഇ കെ സദാശിവൻ, പഞ്ചായത്ത് അംഗം അഷറഫ് ചാലിയതൊടി, കെഎസ്ആർടിസി തൃശൂർ ഡിടിഒ ടി എ ഉബൈദ് എന്നിവർ സംസാരിച്ചു.  ഉല്ലാസയാത്രയുടെ ഭാഗമായി കെഎസ്ആർടിസി ഒരുക്കിയ ബാൻഡ് പരിപാടിയും ഉണ്ടായിരുന്നു.