മാവേലിക്കര
കേരളാ സ്‌റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ മാവേലിക്കര എ ആര്‍ സ്മാരകത്തില്‍ മാതൃഭാഷ ദിനാചരണം സംഘടിപ്പിച്ചു. ചലച്ചിത്ര സംവിധായകന്‍ ഡോ. മധു ഇറവങ്കര ഉദ്ഘാടനംചെയ്തു. വിദ്യാധരന്‍ ഉണ്ണിത്താന്‍ അധ്യക്ഷനായി. ഡോ. ജി മുകുന്ദന്‍ നായര്‍, പ്രൊഫ. ജി ചന്ദ്രശേഖരന്‍ നായര്‍, പ്രൊഫ. വി ഐ ജോണ്‍സണ്‍, കെ പി സുകുമാരന്‍, പി ജെ ആന്റണി എന്നിവര്‍ സംസാരിച്ചു. എആറിന്റെ സ്മൃതി മണ്ഡപത്തിൽ പുഷ്പാർച്ചന നടത്തി.
കാർത്തികപ്പള്ളി
മുതുകുളം സബ് ട്രഷറിയിൽ മലയാളദിനാഘോഷം സംഘടിപ്പിച്ചു. രണ ഭാഷാ സമ്മേളനം ചേപ്പാട് ഭാസ്കരൻ നായർ ഉദ്ഘാടനം ചെയ്തു. സബ് ട്രഷറി ഓഫീസർ വി രഘുനാഥ്‌ അധ്യക്ഷനായി. ജീവനക്കാർ ഭരണഭാഷാ പ്രതിജ്ഞയെടുത്തു. ഭരണ ഭാഷ പുരസ്കാര ജേതാവ് ജി പ്രസന്നകുമാറിനെ അനുമോദിച്ചു. പി സി അനിൽകുമാർ, ചേപ്പാട് ഭാസ്കരൻ നായർ എന്നിവരുടെ പുസ്തകങ്ങൾ മുതുകുളം ഗവ. എൽപിജിഎസ് പ്രഥമാധ്യാപിക ലിസൺ ബേബി ഏറ്റുവാങ്ങി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
