മാവേലിക്കര
മാവേലിക്കര ബിഷപ് മൂര്‍ കോളേജിന്റെ വജ്രജൂബിലി ആഘോഷങ്ങൾക്ക്‌ തുടക്കം. ഒരുവര്‍ഷം നീളുന്ന ആഘോഷം സുപ്രീംകോടതി ജസ്‌റ്റീസ് സി ടി രവികുമാര്‍ ഉദ്ഘാടനംചെയ്‌തു. നേട്ടങ്ങള്‍ക്ക് തുടര്‍ച്ചയുണ്ടാകണമെന്നും അവയിൽ സ്വയം മറക്കാതിരിക്കണമെന്നും ജസ്‌റ്റീസ് പറഞ്ഞു. മധ്യ കേരള മഹാ ഇടവക ബിഷപ് ഡോ. മലയില്‍ സാബു കോശി ചെറിയാന്‍ അധ്യക്ഷനായി.
റവ. ലെവിന്‍ കോശി മല്ലശേരില്‍, പ്രിന്‍സിപ്പല്‍ ഡോ. രഞ്‌ജിത് മാത്യു ഏബ്രഹാം, ജൂബിലി കണ്‍വീനര്‍ ഡോ. വര്‍ഗീസ് ആനി കുര്യന്‍, വൈസ്‌പ്രിന്‍സിപ്പല്‍ ഡോ. ആന്‍ എയ്ഞ്‌ജല എബ്രഹാം, മുന്‍ പ്രിന്‍സിപ്പല്‍മാരായ പ്രൊഫ. എം ചെറിയാന്‍ കൊഴുവല്ലൂര്‍, പ്രൊഫ. മാമന്‍ വര്‍ക്കി, സിഎസ്‌ഐ മധ്യ കേരള മഹാ ഇടവക ലേ സെക്രട്ടറി സ്‌റ്റീഫന്‍ ജെ ഡാനിയേല്‍, ഫിലിപ് എം വര്‍ഗീസ്, കെ ജി മുകുന്ദന്‍, പി എം മുഹമ്മദ് റെജീബ്, പ്രൊഫ. വി സി ജോണ്‍, പ്രൊഫ. അന്ന വര്‍ഗീസ് എന്നിവര്‍ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
