ആലപ്പുഴ
പുന്നമട നെഹ്റു ട്രോഫി പാലം നിർമാണപ്രവർത്തനങ്ങൾക്ക് തുടക്കം കുറിച്ച് 20ന് വൈകിട്ട് അഞ്ചിന് മന്ത്രി പി എ മുഹമ്മദ് റിയാസ് കല്ലിടും. പി പി ചിത്തരഞ്ജൻ എംഎൽഎ അധ്യക്ഷനാകും. കെ സി വേണുഗോപാൽ എം പി മുഖ്യാതിഥിയാകും. 64 കോടി രൂപ ചെലവിൽ കിഫ്ബി പദ്ധതിയിൽ ഉൾപ്പെടുത്തിയാണ്‌ നിർമാണം. ചുമതല ഊരാളുങ്കൽ ലേബർ കോൺട്രാക്‌ട്‌ സൊസൈറ്റിക്കാണ് .
കല്ലിടൽ ചടങ്ങിന്‌ മുന്നോടിയായി ചേർന്ന യോഗം പി പി ചിത്തരഞ്ജൻ എംഎൽഎ ഉദ്ഘാടനം ചെയ്തു. മുനിസിപ്പൽ ചെയർപേഴ്സൺ കെ കെ ജയമ്മ , മുൻമുൻസിപ്പൽ ചെയർമാൻ തോമസ് ജോസഫ്, കൗൺസിലർമാരായ എം ആർ പ്രേം, മനു ഉപേന്ദ്രൻ , വിവിധ രാഷ്ട്രീയ കക്ഷി നേതാക്കളായ വി ബിന്നു അശോകൻ, അജയ് സുധീന്ദ്രൻ , കെ സി ജോസഫ് , കെ എ സാബു, എം ഷജീർ , എസ് എം ഇക്ബാൽ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
