ഓൺലൈൻ ടാക്‌സി 
സർവീസിനെതിരെ മാർച്ച്

ആലപ്പുഴ 

ഓൺലൈൻ ടാക്‌സി സർവീസിന്‌ അനുവാദമില്ലാത്ത ആലപ്പുഴ പട്ടണത്തിൽ അനധികൃത സർവീസ് നടത്തുന്ന വാഹനങ്ങൾക്ക് നിയന്ത്രണം ഏർപ്പെടുത്തണമെന്നാവശ്യപ്പെട്ട്‌ ഓട്ടോ –- ടാക്‌സി –- ടെമ്പോ വർക്കേഴ്സ് യൂണിയൻ സിഐടിയു നേതൃത്വത്തിൽ ആർടിഒ ഓഫീസ് മാർച്ച്‌ നടത്തി. സിഐടിയു ജില്ലാ ജനറല്‍ സെക്രട്ടറി പി ഗാനകുമാർ ഉദ്‌ഘാടനംചെയ്‌തു. 

യൂണിയൻ ജില്ലാ വർക്കിങ്‌ പ്രസിഡന്റ്‌ നിസാർ കോയപറമ്പിൽ അധ്യക്ഷനായി.  ജില്ലാ ട്രഷറർ കെ ജി ജയലാൽ,എം എം ഷെരിഫ്, റജീബ് അലി, എസ് വിനയചന്ദ്രൻ, വി ജെ ബിജു, വി കെ സുധാകരൻ, ശ്രീകണ്ഠൻനായർ എന്നിവർ സംസാരിച്ചു.