കാർത്തികപ്പള്ളി
സിപിഐ എം കാർത്തികപ്പള്ളി ഏരിയ സമ്മേളനത്തിന് ചൊവ്വാഴ്‌ച തുടക്കമാകും. രാവിലെ ഒമ്പതിന്‌ പ്രതിനിധി സമ്മേളനം ചിങ്ങോലി കാവിൽപ്പടിക്കൽ ഓഡിറ്റോറിയത്തിൽ (കോടിയേരി ബാലകൃഷ്ണൻ) നഗറിൽ സംസ്ഥാന കമ്മിറ്റിയംഗം സി ബി ചന്ദ്രബാബു ഉദ്ഘാടനംചെയ്യും. ഒമ്പത് ലോക്കൽ സമ്മേളനങ്ങളിൽ നിന്ന്‌ തെരഞ്ഞെടുത്ത 100 പ്രതിനിധികളും 21 ഏരിയ കമ്മിറ്റിയംഗങ്ങളും ഉൾപ്പെടെ 121 പേർ സമ്മേളനത്തിൽ പങ്കെടുക്കും. ഏരിയ സെക്രട്ടറി വി കെ സഹദേവൻ പ്രവർത്തന റിപ്പോർട്ട് അവതരിപ്പിക്കും.
സംസ്ഥാന സെക്രട്ടറിയറ്റംഗം സജി ചെറിയാൻ, ജില്ല സെക്രട്ടറി ആർ നാസർ, ജില്ലാ സെക്രട്ടറിയറ്റംഗങ്ങളായ എം സത്യപാലൻ, കെ എച്ച് ബാബുജാൻ, എച്ച് സലാം എംഎൽഎ, കെ രാഘവൻ, ജില്ലാ കമ്മിറ്റിയംഗങ്ങളായ എം സുരേന്ദ്രൻ, എൻ സജീവൻ, ടി കെ ദേവകുമാർ എന്നിവർ പങ്കെടുക്കും. ഉച്ചയ്‌ക്കുശേഷം പൊതുചർച്ച ആരംഭിക്കും. ബുധനാഴ്‌ച സമ്മേളനം തുടരും.ചർച്ചയ്ക്കുള്ള മറുപടി, ഏരിയ കമ്മിറ്റി, സെക്രട്ടറി, ജില്ലാ സമ്മേളന പ്രതിനിധികൾ എന്നിവരെ തെരഞ്ഞെടുക്കും.
വ്യാഴം പകൽ രണ്ടിന്‌ ചിങ്ങോലി എൻടിപിസി ജങ്ഷനിൽ നിന്ന്‌ റെഡ് വളന്റിയർ മാർച്ചും പ്രകടനവും ആരംഭിക്കും. വൈകിട്ട്‌ നാലിന്‌ കാർത്തികപ്പള്ളി ജങ്‌ഷനിലെ (സീതാറാം യെച്ചൂരി) നഗറിൽ നടക്കുന്ന പൊതുസമ്മേളനം കേന്ദ്ര കമ്മിറ്റിയംഗം ഡോ. ടി എം തോമസ് ഐസക് ഉദ്ഘാടനംചെയ്യും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
