കഞ്ഞിക്കുഴി
ഹിന്ദി വാരാഘോഷത്തിന്റെ ഭാഗമായി ഗാന്ധി സ്മാരക ഗ്രാമസേവാ കേന്ദ്രത്തിലെ ഹിന്ദി വിദ്യാലയത്തിന്റെ നേതൃത്വത്തിൽ സംഘടിപ്പിച്ച ഹിന്ദി സാഹിത്യമത്സരങ്ങളുടെ ഉദ്ഘാടനം ദക്ഷിണ ഭാരത ഹിന്ദി പ്രചാര സഭയുടെ സെക്രട്ടറി കെ വിജയൻ നടത്തി. ഗാന്ധി സ്മാരക ഗ്രാമ സേവാ കേന്ദ്രം പ്രസിഡന്റ് രവി പാലത്തുങ്കൽ അധ്യക്ഷനായി.
ജനറൽസെക്രട്ടറി പി എസ്‌ മനു, ട്രഷറർ പി ശശി, പ്രിൻസിപ്പൽ അഖിലകൃഷ്ണ, സാഹിത്യകാരൻ ടി വി ഹരികുമാർ എന്നിവർ സംസാരിച്ചു. വിവിധ മത്സരങ്ങളിൽ വിജയികളായവർക്ക് സർട്ടിഫിക്കറ്റും ക്യാഷ് അവാർഡും വിതരണം ചെയ്തു. സമാപന യോഗത്തിൽ കഞ്ഞിക്കുഴി ഗ്രാമപഞ്ചായത്ത് വൈസ് പ്രസിഡന്റ് അഡ്വ. എം സന്തോഷ് കുമാർ, കഞ്ഞിക്കുഴി ബ്ലോക്ക് ഡെവലപ്മെന്റ് ഓഫീസർ സി വി സുനിൽകുമാർ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
