ആലപ്പുഴ
ഗവ. ടിഡി മെഡിക്കൽ കോളേജിലെ ഗൈനക്കോളജി ബ്ലോക്ക് വ്യാഴം പകൽ 12-ന് ആരോഗ്യ മന്ത്രി വീണാ ജോർജ് ഉദ്ഘാടനം ചെയ്യും. കാന്റീൻ കം ഗസ്റ്റ് റൂമും മന്ത്രി ഉദ്ഘാടനംചെയ്യും. ചടങ്ങിൽ എച്ച് സലാം എംഎൽഎ അധ്യക്ഷനാകും. കെ സി വേണുഗോപാൽ എംപി മുഖ്യപ്രഭാഷണം നടത്തും. ജില്ല പഞ്ചായത്ത് പ്രസിഡന്റ് കെ ജി രാജേശ്വരി, കലക്ടർ അലക്‌സ് വർഗീസ്, ഡയറക്ടർ ഓഫ് മെഡിക്കൽ എഡ്യുക്കേഷൻ ഡോ. തോമസ് മാത്യു എന്നിവർ പങ്കെടുക്കും.
മെറ്റേണിറ്റി ആൻഡ് ചൈൽഡ് ഹെൽത്ത് ബ്ലോക്ക് 30 കോടി രൂപ ചെലവിലാണ് നിർമിച്ചത്. അഞ്ച് കോടി രൂപ ചെലവിൽ സ്ഥാപിച്ച 128 സ്ലൈസ് സിടി സ്‌കാൻ, രണ്ട് കോടി രൂപ മുടക്കി കോളജ് അങ്കണത്തിൽ നിർമിച്ച ഗസ്റ്റ് ഹൗസ് കം കാന്റീൻ, എച്ച് സലാം എംഎൽഎയുടെ ആസ്തി വികസന ഫണ്ടിൽനിന്ന് ഒരു കോടി രൂപയും പ്ലാൻ ഫണ്ടിൽനിന്ന് 50 ലക്ഷം രൂപയും ചേർത്ത് നിർമിച്ച വിശ്രമ കേന്ദ്രം എന്നീ പദ്ധതികളാണ്‌ ഉദ്ഘാടനം ചെയ്യുക.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
