ഹരിപ്പാട്
നിയന്ത്രണംവിട്ട സ്കൂട്ടർ തുണിക്കടയിലേക്ക് ഇടിച്ചു കയറി. ആർക്കും പരിക്കില്ല. ഹരിപ്പാട് ഫിദ ടെക്‌സ്‌റ്റയിൽസിലാണ് സംഭവം. തുണി വാങ്ങാൻ ദമ്പതികൾ സ്‌കൂട്ടറിൽ കുട്ടിയെയും കൂട്ടി എത്തിയതാണ്. സ്കൂട്ടർ വച്ചശേഷം ദമ്പതികൾ കടയ്‌ക്കുള്ളിലേക്ക് കടക്കാൻ ശ്രമിക്കുന്നതിനിടെ സ്‌കൂട്ടറിന്റെ മുന്നിലിരുന്ന കുട്ടി ആക്‌സിലേറ്റർ തിരിച്ചു. അമിതവേഗത്തിൽ നിയന്ത്രണംവിട്ട സ്കൂട്ടർ കടയ്‌ക്കുള്ളിലേക്ക് ഇടിച്ചുകയറി. മുന്നിൽ പോയ ഭാര്യയെ സ്കൂട്ടർ ഇടിച്ചു. ഓണവിൽപ്പനക്കായി സ്‌റ്റോക്ക് ചെയ്‌തിരുന്ന തുണിക്കെട്ടുകൾ കടയ്‌ക്കുള്ളിൽ വച്ചിരുന്നതിനാൽ സ്കൂട്ടർ ഇതിൽ തട്ടി നിന്നു. ഹരിപ്പാട് സ്വദേശികളാണ് ദമ്പതികൾ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
