പെരുമ്പാവൂർ
ചൂരമുടി ജലസംഭരണി പൊളിച്ചുകളഞ്ഞതിനെ തുടർന്നുള്ള കുടിവെള്ളക്ഷാമം പരിഹരിക്കണമെന്ന് ആവശ്യപ്പെട്ട് വേങ്ങൂർ പഞ്ചായത്ത് പ്രസിഡന്റ് ശിൽപ്പ സുധീഷിന്റെ നേതൃത്വത്തിൽ വാട്ടർ അതോറിറ്റി, ജൽജീവൻ മിഷൻ എക്സിക്യൂട്ടീവ് എൻജിനിയർമാരെ ഉപരോധിച്ചു. ഒരു മാസമായി പഞ്ചായത്തിൽ ഒരിടത്തും പ്രാഥമിക ആവശ്യങ്ങൾക്കുപോലും വെള്ളം ലഭിക്കുന്നില്ല.
ബദൽ സംവിധാനം ഒരുക്കാതെ ചൂരമുടിയിലെ ജലസംഭരണിയും ശുചീകരണസംവിധാനവും ജൽജീവൻ പദ്ധതിയുടെ ഭാഗമായി പൊളിച്ചുകളഞ്ഞതാണ് ക്ഷാമത്തിന് കാരണം. എത്രയുംപെട്ടെന്ന്‌ പരിഹരിക്കാമെന്ന ഉറപ്പിനെ തുടർന്നാണ്‌ ഉപരോധസമരം അവസാനിപ്പിച്ചത്. വൈസ് പ്രസിഡന്റ് പി സി കൃഷ്ണൻകുട്ടി, സ്ഥിരംസമിതി അധ്യക്ഷൻ ബിജു പീറ്റർ, ആൻസി ജോബി, ടി ബിജു, മരിയ സാജ് മാത്യു, ശോഭന വിജയകുമാർ, പി വി പീറ്റർ, ജിനു ബിജു എന്നിവർ ഉപരോധത്തിന്‌ നേതൃത്വം നൽകി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
