ടാപ്പിങ് തൊഴിലാളിയെ 
കാട്ടാന ആക്രമിച്ചു

കോതമംഗലം
കോട്ടപ്പടി വടക്കുംഭാഗത്ത്‌ ടാപ്പിങ് തൊഴിലാളിയെ കാട്ടാന ആക്രമിച്ചു. വാവേലി പത്തനാപുത്തൻപുര (പാറയ്ക്കൽ) പി കെ അവറാച്ചനാണ്‌ (75)  ഗുരുതരപരിക്കേറ്റത്. വാരിയെല്ലിന് പരിക്കേറ്റ ഇദ്ദേഹത്തെ  കോലഞ്ചേരി ആശുപത്രിയിൽ പ്രവേശിപ്പിച്ചു. വ്യാഴം രാവിലെ 6.45ന് ടാപ്പിങ്ങിന് പോകുമ്പോഴാണ് കാട്ടാന ആക്രമണമുണ്ടായത്. ആന്റണി ജോൺ എംഎൽഎ ആശുപത്രിയിലെത്തി സന്ദർശിച്ചു. കോട്ടപ്പടി പഞ്ചായത്ത് പ്രസിഡന്റ്  മിനി ഗോപി, ബ്ലോക്ക് പഞ്ചായത്ത് അംഗം ആഷ അജിൻ, സിപിഐ എം കോതമംഗലം ഏരിയ സെക്രട്ടറി കെ എ ജോയി എന്നിവരും ഒപ്പമുണ്ടായി.

 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..