അങ്കമാലി
മൂക്കന്നൂർ പഞ്ചായത്തിലെ ബൊലോറൊ ജീപ്പ് നിയമവിരുദ്ധമായി ഭരണകക്ഷിക്കാരുടെ സ്വകാര്യാവശ്യങ്ങൾക്കായി ഉപയോഗിച്ചു. ഇതിന് ചെലവായ ഇന്ധനത്തിന്റെ തുകയും പഞ്ചായത്ത് ചെലവില്‍ പാസാക്കി. ഇന്ധന തുക പഞ്ചായത്ത് ചെലവില്‍പ്പെടുത്തരുതെന്ന എൽഡിഎഫ് അംഗങ്ങളുടെ ആവശ്യം പഞ്ചായത്ത് കമ്മിറ്റിയിൽ വോട്ടിനിട്ട് തള്ളി. ഒക്ടോബറില്‍ ഡീസല്‍ അടിച്ച വകയില്‍ 26,530 രൂപയാണ് ഭൂരിപക്ഷത്തിന്റെ ബലത്തിൽ പാസാക്കിയെടുത്തത്. ഇതിന്മേൽ സെക്രട്ടറി വിയോജനക്കുറിപ്പ് എഴുതിയിട്ടുണ്ട്.
പഞ്ചായത്തിന്റെ വാഹനം കോൺഗ്രസിന്റെ പരിപാടികൾക്കും ടൂറിനുവേണ്ടിയും ദുരുപയോഗം ചെയ്തത് ചൂണ്ടിക്കാണിച്ച് എൽഡിഎഫ് അംഗങ്ങള്‍ പ്രതിഷേധിച്ചെങ്കിലും ഭരണകക്ഷി അംഗങ്ങള്‍ മുഖവിലയ്‌ക്കെടുത്തില്ല. അനധികൃതമായി ഇന്ധന തുക പാസാക്കിയതിനെതിരെ വകുപ്പുമന്ത്രിക്കും തദ്ദേശസ്വയംഭരണ സെക്രട്ടറിക്കും പരാതി നൽകുമെന്ന് എൽഡിഎഫ് പാർലമെന്ററി പാർടി നേതാവ് പി വി മോഹനൻ അറിയിച്ചു. കോൺഗ്രസ് ഭരണസമിതിയുടെ അഴിമതിക്കെതിരെ പ്രക്ഷോഭം നടത്തുമെന്ന് സിപിഐ എം ലോക്കൽ കമ്മിറ്റി അറിയിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
