കരുമാല്ലൂര്‍
നാല് കാലുള്ള കോഴിയെ കാണണമെങ്കിൽ മനയ്ക്കപ്പടി മേച്ചേരിപ്പറമ്പില്‍ ബാബുവിന്റെ കോഴിക്കടയിലെത്തിയാൽ മതി. ഓണത്തോടനുബന്ധിച്ച് ഒരുഫാമിൽനിന്ന് വാങ്ങിയ ഇറച്ചിക്കോഴികളിൽ ഒന്നിനാണ് നാല് കാലുള്ളത്. കടയിലെത്തിയ ഒരാൾക്ക് കോഴിയെ അറുക്കാനായി എടുത്തപ്പോൾ ജീവനക്കാരനാണ് ഈ കൗതുകം ആദ്യം ശ്രദ്ധിച്ചത്‌. 10 വര്‍ഷത്തെ കച്ചവടത്തിനിടെ ഇതുവരെ കണ്ടിട്ടില്ലാത്ത ഒന്നായതിനാല്‍ കോഴിയെ കൊല്ലേണ്ടെന്നും കൂട്ടിലിടാനും ജീവനക്കാരനോട് ബാബു നിര്‍ദേശിച്ചു. സാധാരണപോലെ രണ്ട് കാലും പിന്‍ഭാഗത്തുനിന്ന് രണ്ട് കാലുമാണ് ഈ കോഴിക്കുള്ളത്. വിവരമറിഞ്ഞ് പലരും നാലുകാലുള്ള കോഴിയെ കാണാൻ കടയിലെത്തുന്നുണ്ട്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
