മട്ടാഞ്ചേരി
പത്ത് ചിത്രകാരന്മാരുടെ ചിത്രപ്രദർശനം മട്ടാഞ്ചേരി ജ്യൂ ടൗണിലെ നിർവാണ ആർട്ട് കളക്ടീവിൽ തുടങ്ങി. ‘കളേഴ്സ് ഓഫ് ഇൻസൈറ്റ്’ ചിത്രപ്രദർശനം ചിത്രകാരൻ ബിജി ഭാസ്കർ ഉദ്ഘാടനം ചെയ്തു.
പ്രകൃതി, പക്ഷികൾ, മൃഗങ്ങൾ, മനുഷ്യരിലെ നൈമിഷിക മാറ്റങ്ങൾ, സാധാരണക്കാരുടെ ജീവിതം, കർഷകർ, കുട്ടിക്കാലക്കാഴ്ചകൾ, ജലാശയദൃശ്യങ്ങൾ എന്നിവയാണ്‌ ചിത്രീകരണ വിഷയമായിട്ടുള്ളത്. അവിനാശ് മാത്യു കുറുപ്പന്തറ, ആരിഷ് ജോൺ ആൻഡ്രൂസ്, മോത്തി, രഞ്ജുമോൾ, ജോർജ് അഭിലാഷ്, ഇ എച്ച് അജീഷ് ചന്തിരൂർ, പി അൻജിത, ഇ ജെ ജോമോൻ ചെറായി, കീർത്തന കെ മേനോൻ, മാത്യു പോൾ എന്നീ ചിത്രകാരന്മാർ പങ്കെടുക്കുന്നു. പകൽ 10 മുതൽ വൈകിട്ട് ആറുവരെയാണ്‌ പ്രദർശനം. 29ന് സമാപിക്കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
