മൂവാറ്റുപുഴ
പായിപ്ര ഗവ. യുപി സ്കൂളിൽ നിർമിച്ച ഹ്രസ്വചലച്ചിത്രം ‘ഞങ്ങളും’ വ്യാഴം പകൽ രണ്ടിന്‌ സംസ്ഥാന ചച്ചിത്ര അക്കാദമി അംഗം എൻ അരുൺ സ്വിച്ച്ഓൺ ചെയ്യും.
സ്കൂൾ സോഷ്യൽ സർവീസ് സ്കീമിലെ കുട്ടികളും അധ്യാപകരും അഭിനേതാക്കളായ ചിത്രം എഴുതി സംവിധാനം ചെയ്‌തത്‌ അധ്യാപകൻ കെ എം നൗഫലാണ്. ഹ്രസ്വചിത്ര സംവിധായകൻ കെ എസ് സന്തോഷ് കുമാർ സങ്കേതികസഹായവും പ്രധാനാധ്യാപിക വി എ റഹീമ ബീവി നിർമാണവും നിർവഹിച്ചു.
വിദ്യാലയത്തിലും വീട്ടിലും വിവേചനം നേരിടുന്ന പെൺകുട്ടിയുടെ കഥയാണ്. ഏഴാംക്ലാസ് വിദ്യാർഥിനി കെ ആർ അനുഗ്രഹ മുഖ്യകഥാപാത്രത്തെ അവതരിപ്പിക്കുന്നു. സ്ത്രീപുരുഷ സമത്വം, കുട്ടികളുടെയും സ്‌ത്രീകളുടെയും അവകാശങ്ങൾ എന്നിവ സമൂഹത്തിൽ എത്തിക്കുകയാണ് ചിത്രത്തിന്റെ ലക്ഷ്യം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
