കാലടി
കുടുംബശ്രീ ബഡ്സ് സ്ഥാപനങ്ങളുടെ ജില്ലാ കലോത്സവം ‘മൽഹാർ 2024ന്' കാലടി സംസ്കൃത സർവകലാശാലയിൽ തുടങ്ങി. ബൗദ്ധിക വെല്ലുവിളികൾ നേരിടുന്ന കുട്ടികളുടെ ശാക്തീകരണവും കലാപ്രതിഭകളുടെ ഉന്നമനവും ലക്ഷ്യമിട്ട് സംഘടിപ്പിക്കുന്ന കലോത്സവത്തിൽ കുടുംബശ്രീയുടെ 46 ബഡ്സ് സ്ഥാപനങ്ങളിലെ വിദ്യാർഥികളാണ്‌ മാറ്റുരയ്ക്കുന്നത്‌.
ജില്ലാപഞ്ചായത്ത് പ്രസിഡന്റ്‌ മനോജ് മൂത്തേടൻ ഉദ്ഘാടനം ചെയ്തു. കാലടി പഞ്ചായത്ത് പ്രസിഡന്റ്‌ ഷൈജൻ തോട്ടപ്പിള്ളി അധ്യക്ഷനായി. ചലച്ചിത്രതാരം അനാർക്കലി മരയ്ക്കാർ മുഖ്യാതിഥിയായി. ഡോ. മോത്തി ജോർജ് മുഖ്യപ്രഭാഷണം നടത്തി. ജില്ലാ മിഷൻ കോ–-ഓർഡിനേറ്റർ ടി എം റെജീന, പി കെ ചന്ദ്രശേഖരൻനായർ, മേരി ദേവസിക്കുട്ടി, സൂസൻ ജോസഫ്, ഡോ. ടി എൽ ശ്രീകുമാർ, വി ജെ ബിനോയ് എന്നിവർ സംസാരിച്ചു. വ്യാഴം വൈകിട്ട് സമാപിക്കും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
