കട്ടപ്പന
അന്തരിച്ച നാടകകൃത്ത് കെ സി ജോർജിനോടുള്ള ആദരസൂചകമായി അദ്ദേഹം അവസാനമായി രചിച്ച ഓച്ചിറ സരിഗയുടെ ‘സത്യമംഗലം ജങ്ഷൻ' കട്ടപ്പനയിൽ നിറഞ്ഞ സദസിൽ പ്രദർശിപ്പിച്ചു. സാംസ്‌കാരിക കൂട്ടായ്‍മകളാണ് പരിപാടി സംഘടിപ്പിച്ചത്. ഓണക്കാലത്ത് നാടകം അരങ്ങിലെത്തിയിരുന്നെങ്കിലും രോഗബാധിതനായിരുന്നതിനാൽ കെ സി ജോർജിന് കാണാനായിരുന്നില്ല. പ്രദർശനം കാണാൻ വിവിധ മേഖലകളിലെ പ്രമുഖരും കെ സി ജോർജിന്റെ കുടുംബാംഗങ്ങളും എത്തിയിരുന്നു. രാജീവൻ മമ്മളിയാണ് സംവിധാനം. നിർമാണം സുബൈർഖാൻ സരിഗ. അഭിനേതാക്കളുടെ മികച്ച പ്രകടനം ആസ്വാദകരുടെ പ്രശംസ പിടിച്ചുപറ്റി. ഓച്ചിറ സരിഗയുടെ തന്നെ ‘അതിരുകളില്ലാത്ത ആകാശ' ത്തിലൂടെയാണ് കെ സി ജോർജ് പ്രൊഫഷണൽ നാടക രംഗത്തെത്തിയത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
