കണ്ണൂർ
കണ്ണൂർ വിമാനത്താവളത്തിന്റെ വികസനം ആവശ്യപ്പെട്ട്‌ 12ന് ഡൽഹിയാത്ര നടത്തുമെന്ന്‌ ആദ്യയാത്രക്കാരുടെ കൂട്ടായ്‌മയായ ടീം ഹിസ്റ്റോറിക്കൽ ഫ്ലൈറ്റ് ജേണി ഭാരവാഹികൾ വാർത്താസമ്മേളനത്തിൽ പറഞ്ഞു. പോയിന്റ് ഓഫ് കോൾ പദവി അനുവദിക്കുക, ആസിയാൻ, സാർക് രാജ്യങ്ങളിൽനിന്നുള്ള വിമാനങ്ങൾക്ക് കണ്ണൂരിൽ സ്വതന്ത്രമായി പറന്നിറങ്ങാൻ അനുമതി നൽകുക. സാധാരണക്കാരനുവേണ്ടിയുള്ള ഉഡാൻ സ്കീം പുനരാരംഭിക്കുക തുടങ്ങിയ ആവശ്യങ്ങളുന്നയിച്ചാണ്‌ യാത്ര. 12ന് കണ്ണൂർ വിമാനത്താവളത്തിൽനിന്ന് സംഘം യാത്രതിരിക്കും.
വാർത്താസമ്മേളനത്തിൽ പ്രസിഡന്റ് അബ്ദുൽ ലത്തീഫ് കെഎസ്‌എ, സെക്രട്ടറി ജയദേവൻ മാൽഗുഡി, രക്ഷാധികാരികളായ സദാനന്ദൻ തലശേരി, ആർക്കിടെക്ട് മധുകുമാർ, ടീം കോ ഓഡിനേറ്റർ റഷീദ്കുഞ്ഞി പാറാൽ എന്നിവർ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
