മലപ്പട്ടം
മലപ്പട്ടം ലോക്കലിൽ ദേശാഭിമാനിക്ക്‌ 800 വാർഷിക വരിക്കാരെ ചേർക്കും. വീടുകളിൽ ഹുണ്ടിക ബോക്സ് സ്ഥാപിച്ചാണ് പത്ര പ്രചാരണം ആരംഭിച്ചത്. ലോക്കലിലെ 800 വീടുകളിലേക്കുള്ള ബോക്സ് വിതരണം പൂർത്തിയായി. ഇതിലൂടെ വീടുകളിൽനിന്ന് അടുത്ത നാലുമാസം 600 രൂപ വീതം ശേഖരിക്കും. വാർഷിക വരിസംഖ്യക്ക് ആവശ്യമായ തുക മാസംതോറും ബോക്സിൽ നിക്ഷേപിക്കുകയാണ് ചെയ്യുക. ഡിസംബറിൽ പണം ശേഖരിച്ച്‌ ജനുവരി ഒന്നു മുതൽ പത്രമെത്തിക്കാനാണ് പദ്ധതി. ഹുണ്ടിക ബോക്സിന്റെ വിതരണം സിപിഐ എം ജില്ലാ സെക്രട്ടറിയറ്റംഗം പി വി ഗോപിനാഥ് നിർവഹിച്ചു. റോബർട്ട് ജോർജ്, ടി കെ സുലേഖ, പി പുരുഷോത്തമൻ, പി പുഷ്പജൻ, മലപ്പട്ടം പ്രഭാകരൻ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
