കൊട്ടംകുഴിയിൽ പകലും പുലി; വീട്ടമ്മ രക്ഷപ്പെട്ടത് തലനാരിഴക്ക്‌

രണ്ടര മീറ്റർ ദൂരത്ത്‌ 
എന്നെയൊന്ന്‌ നോക്കി

മുള്ളേരിയ

‘‘പുലികളും ഞാനും രണ്ടര മീറ്റർ മാത്രം ദൂരം. എന്റെ ജീവൻ നഷ്ടപ്പെട്ടുവെന്ന് കരുതി. കൂടെ മറ്റൊന്ന് കൂടി കണ്ടപ്പോൾ ആകെ ഷോക്ക് ഏറ്റത് പോലെയായി". ജോലി കഴിഞ്ഞ് വീട്ടിലേക്ക് തിരിച്ചു പോകുകയായിരുന്ന വഴിയിൽ പുലികളെ കണ്ട കൊട്ടംകുഴിയിലെ  ശാരദയുടെ ഞെട്ടൽ മാറിയിട്ടില്ല. "റോഡിലൂടെ നടന്ന് വരികയായിരുന്നു. മുന്നിൽ അപ്രതീക്ഷതമായി പുലി വന്നു. ഒന്ന് കുറെ വലുതാണ്. കൂടെ ചെറുതല്ലാത്ത മറ്റൊന്നും. തിരിച്ചു പോകുമ്പോൾ എന്നെ ഒരു തവണ നിന്ന് തിരഞ്ഞ് നോക്കി. രാവിലെ വനമേഖലയിൽ നിന്ന് മാൻ പോലെയുള്ള മൃഗങ്ങളുടെ കരച്ചിൽ കേട്ടെന്ന് പരിസരവാസികൾ പറഞ്ഞിരുന്നു. പുലി ഭീതി ഉള്ളതിനാൽ പുലർച്ചെ ജോലിക്ക് പോകുമ്പോൾ വാഹനത്തിലാണ് പോകുക. തിരിച്ചു വരുമ്പോൾ പകൽ സമയമായതിനാൽ നടക്കും. ഇനി നടന്നു വരാൻ ഭയമാണ്" 

 

തള്ളപ്പുലിയും കുട്ടിയും!