അംബിക സ്കൂളിൽ ദേശാഭിമാനി അക്ഷരമുറ്റം പദ്ധതി

അംബിക ഇംഗ്ലീഷ് മീഡിയം സ്കൂളിൽ ദേശാഭിമാനി - അക്ഷരമുറ്റം പദ്ധതി ആരംഭിച്ചു. സിപിഐ എം ഉദുമ ഏരിയാ സെക്രട്ടറി മധു മുതിയക്കാൽ വിദ്യാർഥിനി ബേബി ഷഹനയ്ക്ക് പത്രം നൽകി ഉദ്ഘാടനംചെയ്തു. 

വിദ്യാഭ്യാസ സമിതി പ്രസിഡന്റ് പി വി രാജേന്ദ്രൻ അധ്യക്ഷനായി. സിപിഐ എം പാലക്കുന്ന് ബ്രാഞ്ചാണ്‌ സ്കൂളിൽ നാല്‌ പത്രം സ്‌പോൺസർ ചെയ്യുന്നത്‌. 

ജനറൽ സെക്രട്ടറി പള്ളം നാരായണൻ, എ ബാലകൃഷ്ണൻ, അരവിന്ദാക്ഷൻ പാലക്കുന്ന്, എം പി എ ഹാരിഫ്, ജയൻ കാടകം, രാജേഷ് മാങ്ങാട് എന്നിവർ സംസാരിച്ചു. പ്രിൻസിപ്പൽ എ ദിനേശൻ സ്വാഗതം പറഞ്ഞു.