കാഞ്ഞങ്ങാട്‌
നോർത്ത്‌ കോട്ടച്ചേരി റെഡ്‌സ്‌റ്റാർ യൂത്ത്‌ സെന്റർ ഓണാഘോഷവും കൂർമ്മൽ എഴുത്തച്ഛൻ പുരസ്‌കാര സമർപ്പണവും സെപ്തംബർ 15ന്‌ നടക്കും. എസ്എസ്എൽസി– പ്ലസ്ടു ഉന്നതവിജയം നേടിയവരെയും വിവിധ മേഖലകളിൽ കഴിവ്‌ തെളിയിച്ചവരെയും സെപ്തംബർ എട്ടിന്‌ രാവിലെ 10ന്‌ അനുമോദിക്കും.
രാവിലെ ഏഴിന്‌ ക്രോസ്‌കൺട്രി മത്സരം. പകൽ ഒന്നു മുതൽ കലാകായിക മത്സരം വൈകിട്ട്‌ 5ന്‌ സാംസ്‌കാരിക സമ്മേളനവും പുരസ്‌കാര വിതരണവും ഡോ. ടി എം തോമസ്‌ ഐസക് ഉദ്‌ഘാടനംചെയ്യും. പുരസ്‌കാര ജേതാവ്‌ അനിൽകുമാർ എ വിയെ ഡോ. സി ബാലൻ പരിചയപ്പെടുത്തും.
രാത്രി എട്ടിന്‌ നാടൻ പാട്ട്‌. വാർത്താ സമ്മേളനത്തിൽ സംഘാടകസമിതി ഭാരവാഹികളായ എം സുനിൽ, എം വി വീനിത്‌, പി വി ബാലകൃഷ്‌ണൻ, എൈശ്വര്യ കുമാരൻ, പി വി ശരത്‌ എന്നിവർ പങ്കെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
