സ്വർണവില വീണ്ടും റെക്കോഡിലേക്ക്; ഇതെന്തൊരു 
ലോഹം

കൊച്ചി
സ്വർണവില വീണ്ടും റെക്കോഡിലേക്ക്. ബുധനാഴ്‌ച പവന് 520 രൂപ വർധിച്ച് 59,520 രൂപയായി. ഗ്രാമിന് 7440ഉം. ഒരു പവൻ ആഭരണം വാങ്ങാൻ പണിക്കൂലിയും നികുതിയും ഹാൾമാർക്കിങ് നിരക്കും ഉൾപ്പെടെ കുറഞ്ഞത് 64,500 രൂപയോളം വേണം.

ഈ മാസം 11–-ാംതവണയാണ് സ്വർണവില പുതിയ റെക്കോഡിടുന്നത്. ഒരുമാസത്തിനുള്ളിൽ പവന് 2880 രൂപ വർധിച്ചു. അന്താരാഷ്ട്ര വില തുടർച്ചയായി കുതിച്ചുകയറുന്നതാണ് സംസ്ഥാനത്തും വില ഉയർത്തുന്നത്. അന്താരാഷ്ട്ര വില ട്രോയ് ഔൺസിന് (31.1 ​ഗ്രാം) 2756 ഡോളറിൽ 2778 ഡോളറിലേക്ക് ഉയർന്നു. യുഎസ് പ്രസിഡന്റ് തെരഞ്ഞെടുപ്പ് ഫലത്തെക്കുറിച്ചുള്ള അനിശ്ചിതത്വമാണ് പ്രധാനകാരണം. വിപണിലെ ഈ സമ്മർദം തെരഞ്ഞെടുപ്പ് നടക്കുന്ന നവംബർ അഞ്ചിന് മുമ്പ് അന്താരാഷ്ട്ര വില 2800 ഡോളറിലെത്തിക്കുമെന്നാണ് വിപണി വിദ​​ഗ്‌ധർ പറയുന്നത്.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..