കൊല്ലം
ഓൾ കേരള ഫോട്ടോഗ്രാഫേഴ്സ് അസോസിയേഷൻ ജില്ലാ സമ്മേളനം സംവിധായിക പ്രിയ ഷൈൻ ഉദ്ഘാടനംചെയ്‌തു. ജില്ലാ പ്രസിഡന്റ് പി മണിലാൽ അധ്യക്ഷനായി. ജില്ലാ സെക്രട്ടറി വിൽസൺ ആന്റണി സ്വാഗതം പറഞ്ഞു. സംസ്ഥാന പ്രസിഡന്റ് എ സി ജോൺസൺ മുഖ്യപ്രഭാഷണം നടത്തി. സംസ്ഥാന സെക്രട്ടറി ബിനോയി കള്ളാട്ടുകുഴി വിദ്യാഭ്യാസ അവാർഡ് വിതരണംചെയ്‌തു. സംസ്ഥാന വെൽഫയർ ഫണ്ട് ജനറൽ കൺവീനർ സുരേന്ദ്രൻ വള്ളിക്കാവ്, സംസ്ഥാന കമ്മിറ്റി അംഗങ്ങളായ എം വിജയൻ, അനിൽ എ വൺ, ജോയി ഉമ്മന്നൂർ, ജില്ലാ വെൽഫയർ ട്രസ്റ്റ് ചെയർമാൻ രാജശേഖരൻ നായർ, ജില്ലാ ട്രഷറർ അരുൺ തുടങ്ങിയവർ സംസാരിച്ചു. പ്രതിനിധി സമ്മേളനം സംസ്ഥാന പ്രസിഡന്റ് എ സി ജോൺസൺ ഉദ്ഘാടനംചെയ്‌തു. സംസ്ഥാന സെക്രട്ടറി ബിനോയി കള്ളാട്ടുകുഴി സംഘടനാ റിപ്പോർട്ടും ജില്ലാസെക്രട്ടറി വിൽസൺ ആന്റണി പ്രവർത്തന റിപ്പോർട്ടും ജില്ലാ ട്രഷറർ അരുൺ പനയ്ക്കൽ കണക്കും അവതരിപ്പിച്ചു. ഭാരവാഹികൾ: മുരളി അനുപമ (പ്രസിഡന്റ്), ചന്ദ്രബാബു, ബെൻസിലാൽ (വൈസ് പ്രസിഡന്റുമാർ), ജിജോ പരവൂർ (സെക്രട്ടറി), കവിത അശോക്, സജീഷ് സോമൻ (ജോയിന്റ്‌ സെക്രട്ടറിമാർ), നവാസ് കുണ്ടറ (ട്രഷറർ-).
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
